LUKAS 2:13 - Sura' Madatu

¹³ Pakalan denmi budai sangtuntunan lan mai tu mintu’na malaeka’ ma’baanan dao suruga nasolan tinde malaeka’ umpudi-pudi Puang Matua, nakua:

LUKAS 2:13 ပူးပေါင်းရင်းမြစ်များ

KADADIAN 28:12

Mangimpimi den misa’ eran bendan lan lino sumpu langngan langi’; natiromi, ba’tu pira-pira malaeka’Na Puang Matua lu langngan lu dao mai eran iato.

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

AYUB 38:7

tonna siarrakan tu mintu’ bintoen melambi’, sia mintu’ anak Puang Matua siangngaran?

PA’PUDIAN 148:2

Pudimi, e mintu’ malaeka’Na, pudimi, e mintu’ petoe kassa’Na!

PA’PUDIAN 68:17

E mintu’ buntu ma’botto-botto, ma’apari ammi sambiri matai, tu buntu Naturo ta’ba Puang Matua Nanii torro? Ondongpi la mari’pi sae lakona inde to tu Puang Matua.

YEHEZKIEL 3:12

Naangka’mo’ Penaa langngan, angku rangi dio boko’ku misa’ oni mongngo’ tongan – nadipudimora tu kamala’biranNa PUANG lan inan isunganNa –,

DANIEL 7:10

Sia misa’ salu api tikula’dak-la’dak, na lolong dio oloNa; massa’bu-sa’bu diala pessangsa’bu umpengkaolai sia sangpulo sa’bu-sa’bunna diala pessangpulo sa’bu bendan dio oloNa. Unnisungmi tu to ma’paolai salu anna bungka’i tu mintu’ sura’.

LUKAS 15:10

Iamoto nakua kadangKu mati’: Susimoto tu kaparannuanna mintu’ malaeka’Na Puang Matua tu belanna misa’ to kasalan mengkatoba’.

LUKAS 2:12

Inde sia tu tandana lako kalemi: la ungkabu’tuikomi misa’ Pia diammu’I sambu’, dipamamma’ lan palungan.

LUKAS 2:14

Mintu’na kadipangkeran lu langngan nasang Puang Matua dao madona, sia kamarampasan lan lino lako to Nakaelo.

EFESUS 3:10

kumua anna pa’peissananni kombongan totemo lako mintu’ to ma’parenta sia to paa dao suruga tu ma’rupa-rupa kakinaanNa Puang Matua,

1 TIMOTIUS 3:16

Sia natongannimo tau tumba kapuana tu apa katangpaanna pengkaolanta kumua: Iamotu dipasombo lan batang kale tolino, Natonganni Penaa, payan lako malaeka’, dipa’peissanan lako mintu’ to kapere’, dikatappa’i lan lino, diangka’ tama kamala’biran.

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

1 PETRUS 1:12

Mangkamo dipapayanan tau iato mai, kumua tae’ anna kalena napatu, sangadinna kamuri anna mangka masara’ lan mintu’ passalan, tu totemo te napokadangkomi tu to umpa’peissanan Kareba-kaparannuan lako kalemi tete dio Penaa Masallo’, tu disua dao mai suruga; passalan iamorato napetimbayo malaeka’ la morai naissan.

KADA OMBO’ LAKO RASULU’ YOHANES 5:11

Kutiromi sia kurangimi tu gamaranna malaeka’ buda ullilingi isungan kapayungan sia mintu’ a’gan kepenaa sia mintu’ penatua; iatu budanna pessanglampa sisanglampa sia massa’bu-sa’bu,