LUKAS 19:8 - Sura' Madatu

⁸ Ke’de’mi tu Zakheus nama’kada lako Puang, nakua: O Puang, sangsesena tongan bang tu iananku kuben to kalala’ sia iake denni apa-apanna tau kutangnga’ kualai, kupopellokkon penna’pa’ kupasuleanni lako.

LUKAS 19:8 ပူးပေါင်းရင်းမြစ်များ

2 SAMUEL 12:6

Manassa la nasondai tu anak domba iato penna’pa manglokkon, belanna umpogau’ apa iato sia belanna tae’ natandai kamaturu-turuan.

PA’PUDIAN 41:1

Lu lakona pangala sengo. Pa’pudianna Daud.

KATASSURAN 20:16

Da’ musa’bi tang tongan lako padammu ma’rupa tau.

SARAMBU PEADA’ 6:31

Apa iake diapparanni, manassa la nasondai sule pempitu manglokkon, sia mintu’ tu apa lan banuanna la nasorong.

YEHEZKIEL 33:15

ke umpasulei tu apa dipa’pentoean tu to tang mekaaluk, sia ussondai tu apa mangka dirampa, sia lolang unturu’ apa dipondok, tu umpabu’tu katuoan, naurunganni tae’mo napogau’ apa tang malambu’ – manassa la tuo, tae’ nala mate.

KADIBILANGAN 5:7

la naaku tu kasalan napogau’, anna sondai tu mintu’ allinna tu apa napoindan, narangnganni pissan taa pellimanna, nasorongi sule lako to nanii kaindanan.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

LUKAS 12:33

Balukanni tu apa dio kalemi, ammi pa’kamaseanni; garagangkomi poro’-poro’ tang malusa kalemi, ianan dao suruga tae’ napura, tang nalambi’na to boko, sia tang nabala’-bala’na busung.

LUKAS 16:9

Kukua lako kalemi: Pakei massangmane tu ianan tang manassa, sangapaoi, ke nasalaikomi, la natarima siakomi lan banua tontong sae lakona.

LUKAS 19:7

Sipa’nuku-nukuammi tu mintu’ to untiroi tu iannato, nakua: Naloo Ia lempang lako to’ banuanna to kadake gau’na.

LUKAS 7:13

Iatonna tiromi Puang lako, mamasseng-massengmi untiroi, Nakuami lako: Damo mitumangi’!

LUKAS 7:19

Natambaimi Yohanes tu anak gurunna da’dua, nasuai male lako Puang la umpokadai, kumua: Kamumoraka tu la sae ba’tu den poleraka to senga’ misa’ sipatu la kipeagi?

1 SAMUEL 12:3

Totemo ma’diorenmo’. Pamatu’tunmi lako kaleku dio oloNa PUANG sia dio olona to Natokko, kumua: mindamora sapi kuala, mindamora keledai kuala sia mindamora kupakario-rio sia mindamora tu tang kupaolai salunna? Sia mindamora lima kunii untarima pappe’ kuurunganni untutu’ matangku diona kara-karana? Iake denni susinnato la kusondai sule lako kalemi.