LUKAS 19:46 - Sura' Madatu

⁴⁶ Nakua ungkuanni tu tau: Den lan Sura’Na Puang Matua susite; Iatu BanuangKu banua passambayangan ia, apa mipadadimo lo’ko’pa’gora’.

LUKAS 19:46 ပူးပေါင်းရင်းမြစ်များ

PA’PUDIAN 93:5

Tang balle kasa’biamMi, kamaseroan napokassa’ banuamMi tontong sae lakona, o PUANG.

YESAYA 56:7

manassa la Kusolan lako buntu maindanKu sia la Kupasende tu penaanna lan banua passambayangangKu; iatu pemala’ ditunu pu’pu’na sia pemala’ pangrere’na tau iato mai la naala penaangKu dao inan pemalarangKu, belanna iatu banuangKu disanga banua passambayanganna mintu’ bangsa.

YEREMIA 7:11

Iate banua iate, tu diniimo unggente’ sangangKu, misangaraka lo’ko’ pa’gora’? Iatu Aku, Kutiro nasangmo, kadanNa PUANG.

YEHEZKIEL 43:12

Inde sia tu sukaran aluk diona te Banua Kabusungan; dao lolok buntu lili’na inan tarru’ maindan. Manassa iamote tu sukaran alukna Banua Kabusungan iato.

HOSEA 12:7

Iamoto tibalikmoko sule lako Kapenombammu, karitutui tu kamasokanan sia katonganan sia tontongko ma’rannuan lako Kapenombammu.

MATIUS 21:13

sia Nakua ungkuanni tu tau: Mangkamo disura’ kumua: Iatu banuangKu la disanga banua passambayangan; apa mipadadimo kamu lo’ko’ pa’gora’.

MATIUS 23:13

Upu’ allomi, e pandita Sura’ sia to Farisi, to belo puduk! belanna mitutu’ tu ba’ba Parenta Suruga miampangi tu tau. Kamu tang tama, na iatu to la morai tama migagai.

MARKUS 11:17

Mangada’imi sia Nakua lako tu tau: Tang mangkamoraka disura’ kumua: Iatu banuangKu la disanga banua passambayanganna mintu’ bangsa? Apa mipadadimo kamu lo’ko’ pa’gora’.