LUKAS 19:26 - Sura' Madatu

²⁶ Kukua lako kalemi: Minda-minda tu unnampuimi, la diben dukapa lako, apa iatu tae’na dio, moi iatu apa dionamo kalena, la dialai pissan dio mai.

LUKAS 19:26 ပူးပေါင်းရင်းမြစ်များ

2 SAMUEL 7:15

Apa iatu kamakarimmanangKu tae’ nala sorong boko’ dio mai kalena, susitu mangkamo Kupasorong boko’ dio mai Saul, tu Kupatoyangmo dio mai tingayomu.

PA’PUDIAN 109:8

Nake madenge’i tu sunga’na, sia nake napasayu’i tau tu toena.

MATIUS 13:12

Belanna minda-minda tu den dio, la diben dukapa lako, anna kala’bian pissan. Apa minda-minda tu tae’ dio, la dialai pissan dio mai moi iatu dionamo kalena.

MATIUS 21:43

Iamoto Kukua mati’, kumua iatu ParentaNa Puang Matua la diala dio mai kalemi, anna disorong lako bangsa la umpabu’tui tu buanna.

MARKUS 4:25

Belanna minda-minda tu den dio, la diben dukapa lako, na iatu to tae’ dio, la dialai pissan dio mai moi iatu dionamo kalena.

LUKAS 16:3

Iatonna iato ma’tangnga’mi tu to ma’kampa banua lan penaanna, nakua: La ma’apamora’, belanna la natassu’imo’ puangku lan mai te toeku? La mangkali-kalina’ natang kukulle, la male bangna’ kapalaku-laku na masiri’na’.

LUKAS 19:25

Nakuami tinde tau: O Puang diomo ia sangpulo mina!

LUKAS 8:18

Iamoto kanandai tonganni, umbara susi parangimmi; belanna minda-minda tu den dio, la diben dukapa lako, na minda-minda tu tae’ dio, la diala dukapa dio mai tu nasanganna la den dio.

PENGGAURANNA RASULU’ 1:20

Belanna den disura’ lan Sura’ Pa’pudian nakua: Nake makarorrongi tu inan, sia nake tang nanii tau lan, sia nakua: Nake natoei to senga’ tu pangka’na ma’panundu’.

2 YOHANES 1:8

Kanandai tu kalemi, anna da mikapa’dean tu apa mangkamo takarang, sangadinna kumua nasundun miappa’ tu saro ra’ta’mi.

KADA OMBO’ LAKO RASULU’ YOHANES 2:3

sia batta’ penaammu sia tang mata’ka’ko ma’patanan belanna sangangKu.

KADA OMBO’ LAKO RASULU’ YOHANES 3:11

Madoi’ tu kasaeangKu, toe manda’i tu apa dio kalemu, da naden misa’ tau umpasayu’ko makotamu.

1 SAMUEL 15:28

Nakuami Samuel lako: Allo ia dukate, anNa alai PUANG tu kadatuan Israel dio mai kalemi, Nakamaseanni to senga’ tu melo anna kamu.

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.