LUKAS 19:14 - Sura' Madatu

¹⁴ Apa nakabiri’ sangtondokna tinde tau, namesua undi urrundu’i, nakua: Nokakan kami la nadatui te tau iate.

LUKAS 19:14 ပူးပေါင်းရင်းမြစ်များ

2 SAMUEL 23:7

ianna la untoei tau, umpakepi bassi ba’tu pasoan doke, sia napadukkui api dio to’ inanna!

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

ZAKHARIA 11:8

Iatu to mangkambi’ tallu kuratoimo lan sangbulan, belanna tappumo tu kasa’barasangku lako sia nakanoka dukamo’ tu tau iato mai.

LUKAS 14:32

Iake tang natananni, nasua tu pesuanna loo umpokada kasitaman su’ding mambelapi tu uali.

LUKAS 19:13

Untambaimi kaunanna sangpulo, nabenni sangpulo mina lako, nakua ungkuanni: Palolo’-lolo’i te sae lako suleku.

LUKAS 19:15

Iatonna sulemo ditappu datu, mesuami untambai mintu’ kaunanna, tu mangka naben doi’, la sae mennolo lako kalena, kumua anna issanni, ba’tu sipiramo nasaro ma’balili.

LUKAS 19:27

Apa iatu mintu’na ualingku, tu manokana umpodatuna’, solanni mai ammi patei dio tingayoku.

YOHANES 1:11

Saemo umpellambi’i apanNa, apa to Napotau ia tu ungkanokaI.

YOHANES 15:18

Iake nakabiri’komi issinna te lino, issan bangmito kumua inang nakabiri’Mo’ dolo anna kamu.

1 SAMUEL 8:7

Ma’kadami tu PUANG lako Samuel Nakua: Tarimai tu apa napalaku te bangsa iate lako kalemu, belanna tae’ na iko tu natumpu, sangadinna Aku, kumua da’mo angKu datui.