LUKAS 18:32 - Sura' Madatu

³² Belanna la disorong lako to kapere’, natelle-telleI tau sia naa’ga-a’ga sia natittuduI;

LUKAS 18:32 ပူးပေါင်းရင်းမြစ်များ

YESAYA 50:6

Kupopa’elo’na tu boko’ku lako to umbambana’ sia popoku lako to urrotakki sambangku; sia tae’ kutampunni tu lindoku dilo’bo sia ditittudui.

YESAYA 52:14

Susi buda tau ka’ba’ bulunna untiroko – lendu’ ia kadakena tu pa’kaleanna, tang tibala taumo ditiro sia iatu rupanna tang susimo ma’rupa tau –

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

MIKHA 5:1

Na iatu iko, e Betlehem Efrata, moi ammu bitti’ dio lu mintu’ tongkonanna Yehuda, apa dio mai kalemu la nanii bu’tu lako Kaleku tu misa’ tau tu la dadi to ma’parentana to Israel, tu bu’tu tempon dio mai, dio mai allo tae’ tipamulanna.

MATIUS 16:21

Randuk tonna iato Napa’peissanammi Yesu lako anak gurunNa kumua sipatu la lao lako Yerusalem anNa perasai buda parri’ dio mai pekaamberan sia dio mai pangulu to minaa sia pandita Sura’, naurunganni dipatei, Nadipamalimbangun sule tonna allo ma’pentallun.

MATIUS 20:19

Anna sorongi lako to kapere’, natelle-tellei, naongkan-ongkan ue, sia naa’ta’, na allo ma’pentallun Namalimbangun sule.

MATIUS 22:6

Ia tu tau pira nala’ka’i tu mai kaunanna, napakario-rioi sia napatei.

MATIUS 26:67

Natittuduimi tu lindoNa, sia natambusuk; sia den tu untappele’I,

MATIUS 27:2

Napungomi namale umbaaI, nasorongI lako Pilatus, to maraya.

MARKUS 14:65

Randukmi tinde tau pira untittudui sia umbungku’i tu lindoNa sia natambusuk sia nakua ungkuanNi: Ma’nubua’moKomi! Pantan natampa’mi solana tominaa kapua tu lindoNa.

MARKUS 15:1

Tae’pa bongi tonna la masiangmo nara’ta’mi pangulu tominaa sia pekaamberan sia pandita Sura’, iamotu mintu’ to ma’kombongan, napungoI tu Yesu, namale umbaaI, nasorongI lako Pilatus.

LUKAS 18:33

ianna mangka ullongkan-longkanNi, la napateI, na allo ma’pentallun, Namalimbangun sule.

LUKAS 23:1

Sangke’derammi tu tau, nabaaI tu Yesu lako olona Pilatus.

LUKAS 23:11

Nalo’bo-lo’bomi Herodes sola mintu’ surodadunna tu Yesu sia natelle-telle, napakei sambu’ pandillak-dillak, nasuai umbaaI sule lako Pilatus.

LUKAS 23:35

Sangke’derammi tinde to buda untiroi. Ia duka tu mai kapala-kapala ussitelle-tellei, nakua: Narampanammo tu to senga’, Narampanan todai tu Kalena totemo, ke Iamo Kristus, To Natonno’ Puang Matua!

YOHANES 18:22

IatonNa mangka umpokadai te, denmi misa’ tu pa’ronda’ ke’de’ dio ussala’pai tu lindoNa sia nakua: Susimoraka pebalimMi lako tominaa kapua to?

YOHANES 18:28

Nabaami tau tu Yesu dio mai Kayafas lako banua pangra’tasan kara-kara, to melambi’ iato. Iatu to Yahudi tae’ nalao tama banua pangra’tasan kara-kara, kumua da nakasambanan, sangadinna la ma’din duka ungkande Pa’pasa.

YOHANES 18:30

Nakuami tinde mai tau mebali lako: Iake la tang to kadakei te tau iate, tae’ duka kila ussorongi lako kalemi.

YOHANES 18:32

Kumua anna sundun tu kadanNa Yesu, tu Napokada la umpa’peissananni tumba tu kamateanNa.

YOHANES 18:35

Nakuami Pilatus mebali: To Yahudira’ka te? BangsaMi Kamu sia mintu’ pangulu to minaa tu ussorongKomi lako kaleku. Apara tu Mipogau’?

PENGGAURANNA RASULU’ 2:23

Iamotu disorong situru’ tanan penaanNa sia paissanNa tempon Puang Matua, mangkamo mia’ta’ sia mipatei napata’pai lima to tang mekaaluk.

PENGGAURANNA RASULU’ 3:13

Puangna Abraham sia Ishak sia Yakub, tu Puangna nene’ to dolota umpakala’bi’ TaunNa, iamotu Yesu, tu misorong kamu sia mipeoanganni dio olona Pilatus, tonna ra’ta’i kumua la dirampanan.