LUKAS 18:11 - Sura' Madatu

¹¹ Ke’de’mi tu to Farisi massambayang lan penaanna, nakua: O Puang Matua! ma’kurre sumanga’na’ lako Kalemi, belanna aku te tae’ kususi to senga’, to unnalai bang apanna tau, ba’tu to matampo, ba’tu to pasandak salu lako rampanan kapa’, ba’tu susite passima iate;

LUKAS 18:11 ပူးပေါင်းရင်းမြစ်များ

PA’PUDIAN 134:1

Nanian Hamaa’lot. Pudimi tu PUANG, e kamu, mintu’ taunNa Puang, tu bendan kebongi lan banuanNa PUANG.

PA’PUDIAN 135:2

tu kamu to tongkon lan banuanNa PUANG, lan tarampak banuanNa Kapenombanta.

SARAMBU PEADA’ 20:6

Buda tu tau umpudi kalena kamasokananna, apa iatu to matappa’, mindara ma’din ullambi’i?

SARAMBU PEADA’ 30:12

Iamotu tau, tu ussanga kalena masero dio pentirona, apa tang dibasei tu ruttakna.

YESAYA 1:15

Iammi umpatado pala’ mabusammi, la Kupasalaikomi mata; moi umpamakambankomi passambayangmi, tae’ duka angKu la umperangii; belanna limammi umpentombang rara.

YESAYA 58:2

Tang nadaka’Ra’ka tu tau iato mai kiallo-kiallo sia morai unnissan lalanKu, susitu misa’ bangsa umpogau’ kamaloloan sia tang ussa’biangan katongananna Kapenombanna. Tau iato mai mekutana lako Kaleku, nakua: umbanna tu sipato’ sia malambu’ sia morai umpengkareke’i Puang Matua.

YESAYA 65:5

Sia to ma’kada susite nakua: Mari’piKomi indetu, da Mireke’na’, belanna aku te to tang direke’. Iate tau iate susito rambu lan illongKu sia sangtinti api dukku tu’tu’allo.

YEREMIA 2:28

Umba nasangmira nanii attu iato tu mintu’ rapang-rapang mupodeata tu mangka mugaraga? Melo ke bendanni tu tau iato mai, nakulle sia manii urrampanangko, ke allo kamaparrisammu; belanna pada bilanganna mintu’ tondokmu, pada dukato, tu mintu’ deatammu, e to Yehuda.

YEREMIA 2:35

Ondong polepi baranipoko ma’kada, kumua: Tae’ kukasalan, sia inang toyangmo tu kasengkeanNa dio mai kaleku. Tonganna la Kuukungko, belanna mukua: Tae’ kupogau’ kasalan.

YEHEZKIEL 33:31

Rampomi tu tau iato mai mati’ kalemu ma’lole’-lole’, anna unno’ko’ dio tingayomu susito kombongangKu sia naperangi tu kadammu, apa tae’ naturu’i; kada kaboro’ lan sadangna, apa iatu penaanna umparinaa-naa bang saro bu’tu kadake.

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

MATIUS 10:3

Filipus sia Bartolomeus; Tomas sia Matius passima; Yakobus anakna Alfeus sia Tadeus;

MATIUS 5:20

Belanna Kukua lako Kalemi: Iake tae’i nalosong tu kamaloloammi na iatu kamaloloanna pandita Sura’ sia to Farisi, dennoraka mila tama len Parenta Suruga.

MATIUS 6:5

Iammi massambayang, da misusi to belo puduk; belanna naporai ke’de’ massambayang lan lu banua pa’kombongan sia dio lu tetuk batatta kumua anna kitai tau. Tonganna tongan Kukua mati’, naala dolomo tu poleanna.

MARKUS 11:25

Iake ke’de’komi massambayang, pagarri’i salana ke denni to mikalia-lia, anna pa’dei dukai Ambe’mi dao suruga tu mintu’ salami.

LUKAS 20:47

sia iatu unnimbakan iananna baine balu sia naangga’-angga’i umpamalambe’ passambayangna; iatu tau susito mandu la narua tampak ropu.

LUKAS 22:41

Umpamambela-belami Kalena dio mai anak gurunNa agi-agi nalambi’ pa’piring Namane malinguntu’ Namassambayang,

GALATIA 3:10

Belanna samami tu to umposande’ tuntunan Sukaran aluk, samami naluang tampak ropu, belanna den disura’ nakua: Tampak ropu lako tu mintu’ to tang batta’ ungkaritutui mintu’ tu disura’na lan sura’ Sukaran aluk.

FILIPI 3:6

diona sara’, to umpakario-riona’ kombongan; diona kamaloloan tu umpogaronto’ Sukaran aluk, payan tae’ sayuangku.

KADA OMBO’ LAKO RASULU’ YOHANES 3:17

Belanna mukua: Sugi’na’ sia unnappa’ kasugiran, na moi misa’ tae’mo pu’du’ dio kaleku, apa tae’ mutandai, kumua ikomo mandasana sia tang tiroan tau sia bongko sia buta sia ma’kambelang,