LUKAS 17:8 - Sura' Madatu

⁸ Tae’raka ammi la ma’kada lako susite: Pasakka’mi tu apa la kukande, ma’kamandi’ko, ammu parakanna’ mai, kumangkapa kumande sia mangiru’, mumane kumande sia mangiru’.

LUKAS 17:8 ပူးပေါင်းရင်းမြစ်များ

KADADIAN 43:16

Iatonna tiromi Yusuf den tu Benyamin nasolan nakuami lako to matappa’na lan banuanna: Solanni tama banua te mai tau, pangreranni, mipasakka’i, belanna la kumandena’ sola te tangnga allo.

2 SAMUEL 12:20

Millikmi tu Daud diong mai padang, anna mendio’ sia umpake minna’ busarungngu’ sia ussondai pakeanna; mangkato tamami banuanNa PUANG anna menomba; namane sule lako tongkonan layukna, namesua umpasakkaranni kande, anna kumande.

LUKAS 12:37

Maupa’ tu kaunan iato, ke sulei tu puangna, natae’ namamma’ nakarampoi. Manassa nakua kadangKu lako kalemi, ia kalena la ma’tambeke’, nasuai unno’ko’ kumande na ia sae umparakai.

LUKAS 17:7

Apa mindarakomi kamu, ke denni kaunanmi misa’ ma’tengko ba’tu mangkambi’, ke sulei dio mai uma ammi kua lako: Maimoko muta’pa unno’ko’ kumande?

LUKAS 17:9

La ma’kurre sumanga’raka lako kaunanna, belanna mangkamo napogau’ tu mintu’na nasuanni?

YOHANES 13:4

tonna la kumandemo ke’de’mi, Naalai tu bayu lamba’Na, Naalai tu sampin Napotambeke’i.