LUKAS 17:25 - Sura' Madatu

²⁵ Apa tae’ nasalai tang umperasai kamaparrisan dolo sia la nasayu bangsa iate.

LUKAS 17:25 ပူးပေါင်းရင်းမြစ်များ

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

MATIUS 16:21

Randuk tonna iato Napa’peissanammi Yesu lako anak gurunNa kumua sipatu la lao lako Yerusalem anNa perasai buda parri’ dio mai pekaamberan sia dio mai pangulu to minaa sia pandita Sura’, naurunganni dipatei, Nadipamalimbangun sule tonna allo ma’pentallun.

MATIUS 21:42

Nakuami Yesu lako: Tae’paraka mibasa lenni lan Sura’ madatu kumua: Iatu batu natibe pande, ia bangsiamo mendadi batu petau. Susimoto Napogau’ Puang, na iatu iannato memangngan ke pentirota.

MARKUS 10:33

Nakua: Totemo la maleki’ langngan Yerusalem, anNa disorong lako pangulu to minaa sia pandita Sura’ tu Anak rampan dilino, anna situru’i kumua la dipateI, sia la nasorong lako to kapere’.

MARKUS 12:10

Tae’raka mibasai te kada iate lan mai Sura’ Madatu kumua: Iatu batu natibe pande mendadi batu petau;

MARKUS 8:31

Naparandukmi unnada’i anak gurunNa, kumua sipatu tu Anak rampan dilino la umperasai buda parri’ sia naali’ mintu’ pekaamberan sia pangulu to minaa sia pandita Sura’, naurunganni napatei tau iato mai anna tallung allo undinna Namalimbangun sule diong mai to’ to mate.

MARKUS 9:31

belanna Naada’i tu anak gurunNa, sia Nakua ungkuanni: Iatu Anak rampan dilino la disorong lako tau, anna patei; ma’tallung allo mangkanna dipatei Namalimbangun sule.

LUKAS 18:31

Iatonna iato natambaimi tu anak gurunNa sangpulo dua namale sola, Nakua: Manassa la malemiki’ langngan Yerusalem, dadi iatu mintu’na mangka nasura’ mintu’ nabi tu diona Anak rampan dilino la diganna’imo.

LUKAS 18:33

ianna mangka ullongkan-longkanNi, la napateI, na allo ma’pentallun, Namalimbangun sule.

LUKAS 24:46

Sia Nakua lako: susite tu disura’na, kumua la umperasai kamaparrisan tu Mesias, anna allo ma’pentallun Namalimbangun sule dio mai to’ to mate,

LUKAS 9:22

Nakua: Iatu Anak rampan dilino manassa tae’ nasalai tang la umperasai buda parri’ sia la naali’ mintu’ pekaamberan sia pangulu to minaa sia pandita Sura’ sia la dipatei, na allo ma’pentallun Nadipamalimbangun sule dio mai to’ to mate.

YOHANES 1:11

Saemo umpellambi’i apanNa, apa to Napotau ia tu ungkanokaI.

YOHANES 12:38

kumua anna sundun tu kadanna nabi Yesaya tu napokada kumua: O Puang mindamora umpatonganni tu kareba kipa’peissanan? sia mindamora dinii umpapayanni tu limanNa Puang?

1 SAMUEL 10:19

Apa totemo miboko’imo tu Kapenombammi, tu mangka urrampanangkomi lan mai kamaparrisan sia ma’kadakomi, mikua: Moi umba nakua, inang la miangkarangkan misa’ datu. Iamoto, maimokomi mennolo lako PUANG situru’ bilanganna sukummi sia pa’rapuammi.

1 SAMUEL 8:7

Ma’kadami tu PUANG lako Samuel Nakua: Tarimai tu apa napalaku te bangsa iate lako kalemu, belanna tae’ na iko tu natumpu, sangadinna Aku, kumua da’mo angKu datui.