LUKAS 17:21 - Sura' Madatu

²¹ Sia tae’ duka nala kua tau kumua: Tiroi inde, ba’tu tiroi dio, belanna iatu ParentaNa Puang Matua lan tangnga-tangngami.

LUKAS 17:21 ပူးပေါင်းရင်းမြစ်များ

MATIUS 12:28

Apa iake Penaanna siamo Puang Matua angKu rambai deata masussuk, manassa nalambi’mokomi tu ParentaNa Puang Matua.

MARKUS 13:21

Sia iake attu iato, naden tau ma’kada lako kalemi kumua: Tiromi indemo tu Kristus! ba’tu: Diomo tu Kristus! da mipatonganni to!

LUKAS 17:23

La den tau ma’kada lako kalemi susite: Tiromi diomo ia, tiromi indemo ia, da miloo lako sia da miundi urrundu’i.

LUKAS 21:8

Nakuami: Kanandai tonganni, da napapusakomi tau, belanna buda tau la sae umposanga sangangKu, nakua: Aku bangsiamote! sia: mandappi’mo tu allu’na! Apa da mirundu’i tu tau iato.

YOHANES 1:26

Mebalimi Yohanes lako, nakua: Aku te uai bangri kupa’dioran, apa lan tangnga-tangngami bendanmo tu To tang mitandai.

YOHANES 18:36

Nakuami Yesu mebali: Iatu kadatuangKu tangia kadatuan lan lino; iake la kadatuan lan lino, inang la mangea mintu’ solaKu, da angKu disorong lako to Yahudi; apa totemo iatu kadatuangKu tangia kadatuan lan lino.

ROMA 14:17

belanna iatu ParentaNa Puang Matua tangia diona kande ba’tu diiru’na, sangadinna kamalamburan sia kamarampasan sia kaparannuan tete dio Penaa Masallo’.

KOLOSE 1:27

Lako tu tau iamoto Naporai Puang Matua umpasomboi, tumba kapuana kamala’biranna rasia iato dio lu to kapere’, iamotu Kristus tu dio kalemi; Iamo kapa’rannuanan, tu diporannu la ungkabu’tui kamala’biran,