LUKAS 16:31 - Sura' Madatu

³¹ Apa nakua Abraham lako: Iake tae’i naperangii tu kadanna Musa sia nabi, ma’apai nala untarimai, kenna la den duka misa’ to mate tuo sule namalimbangun dio mai to’ to mate loo umpellambi’i!

LUKAS 16:31 ပူးပေါင်းရင်းမြစ်များ

KADADIAN 9:27

Puang Matua la umpatumale’i tu Yafet anna torroi tu mai tendana Sem, na iatu Kanaan la napokaunan!

LUKAS 16:30

Nakuami: Tae’ ia na iato, sangadinna, iake den bangsiapi misa’ tu to mate sule umpellambi’i, manassa mengkatoba’.

LUKAS 17:1

Nakua Yesu lako anak gurunNa: Manassa tae’ nasalai tang bu’tu tu untumangna tau, apa upu’ allona tu to umpasaei.

YOHANES 5:47

Apa iake tae’i mipatonganni tu Sura’na, umba la mikua umpatonganni tu kadangKu?

PENGGAURANNA RASULU’ 19:8

Tamami banua pa’kombongan tu Paulus, sia batta ma’kada-kada tallung bulan, nasipa’ulelean tau sia napamanassan tu diona ParentaNa Puang Matua.

PENGGAURANNA RASULU’ 26:28

Ma’kadami tu Agripa lako Paulus nakua: Madomi’ bangna’ mupopento Sarani.

PENGGAURANNA RASULU’ 28:23

Iatonna allu’mi lako Paulus tu allo sangallo, lendu’mi budanna tau sae lako tu naninna Paulus torro. Napamanassami sia nakatottongi tongan lako tinde tau tu diona ParentaNa Puang Matua sia randuk lan mai sura’ Sukaran alukna Musa sia lan mai sura’na nabi nanii umpamalesoanni tau tu diona Yesu, tempon dio mai melambi’ sae lako makaroen, kumua napatonganni.

2 KORINTUS 4:3

Apa iake kasamboanni tu Kareba-kaparannuangki, kasamboan lakomira to la sanggang,

2 KORINTUS 5:11

Tu belanna kiissan tu diona ungkataku’ Puang, iamoto angki ada’i tu tau anna ma’patongan, apa lako Puang Matua inang payan bangmokan, kurannuan angki payan duka lan sukaran inaammi.