LUKAS 16:26 - Sura' Madatu

²⁶ Senga’mito dipaden kumila’ lan kasiallaranta, dadi iatu tau inde te, ke la morai loo mati’, tae’ nama’din, ba’tu to inde tu tae’ naola loo mai.

LUKAS 16:26 ပူးပေါင်းရင်းမြစ်များ

PA’PUDIAN 49:14

Iamoto tu dalle’na to umposande’ bang kalena, iamo katampakanna to tu to umporai misa kadanna. Sela

PA’PUDIAN 50:22

Parinaai tu iannate, e kamu to tang ungkilalai Puang Matua, da angKu se’bu-se’bukomi, sia tae’ misa’ tau umbelai untindokkomi.

YEHEZKIEL 28:24

Apa iatu to Israel tae’mo duri la untossokki ba’tu a’da’ la umpa’di’i dio lu mintu’ tau untikui, tu umpamatunai. Anna tandai tau iato mai kumua Akumo tu Puangta PUANG.

MALEAKHI 3:18

Attu iato la balik tu penaammi, ammi tiroi tu kasisengaranna to malambu’ sia to kelok, sia kasisengaranna minda tu mengkaola lako Puang Matua na minda tu tae’ namengkaola lako Kalena.

MATIUS 25:46

Dadi tau iato la lu tama kamaparrisan tontong sae lakona; apa iatu to malambu’ la tama katuoan tontong sae lakona.

LUKAS 12:59

Nakua kadangKu mati’: dennoraka mula tassu’ lan mai, ke tae’pi mubaya’i tu utangmu moi misa’ de’pen tae’ nama’din kurang.

LUKAS 16:25

Apa nakua Abraham: E anakku, kilalai tommu tuopa mangkamoko unnala kataanan melomu, susi duka tu Lazarus mangkamo unnalai tu kadakena, apa totemo iamo dipakatana, natang mutananmo iko tu parri’mu.

LUKAS 16:27

Nakuaomi tu to sugi’: O ambe’! kupalaku ammi suai lako banuanna ambe’ku,

YOHANES 3:36

Minda-minda umpatonganNi tu Anak, ia unnampui tu katuoan tontong sae lakona; apa minda-minda tang umperangii tu Anak, tae’ nala sikita katuoan, sangadinna tontong dio kalena tu kasengkeanNa Puang Matua.

KADA OMBO’ LAKO RASULU’ YOHANES 20:10

Iatu deata bulituk umpapusa tau iato mai, dipembuangan tama limbong api sia solo’, tu naninna olo’-olo’ sia nabi tang tongan lan, na tau iato mai, la narua parri’ keallo kebongi sae lakona.

KADA OMBO’ LAKO RASULU’ YOHANES 22:11

Iatu to kelok, da’ito napatarru’i umpogau’ kakelokanna, sia iatu to maruttak, da’ito anna samaruttak-ruttakna; na iatu to malambu’, dai’to napatarru’i umpogau’ kamalamburan; na iatu to masallo’ da’ito anna sadipamasallo’-sallo’na.

1 SAMUEL 25:36

Iatonna rampomo tu Abigail lako Nabal, natiromi: lan banuanna den misa’ pa’maruasan susi pa’maruasan datu sia parannu paiman tu penaanna Nabal sia lendu’ ia malangona. Iamoto anna moi sangbuku kada tae’ napokada Abigail lako kalena, la kapua, la bitti’ sae lako melambi’na.