LUKAS 16:25 - Sura' Madatu

²⁵ Apa nakua Abraham: E anakku, kilalai tommu tuopa mangkamoko unnala kataanan melomu, susi duka tu Lazarus mangkamo unnalai tu kadakena, apa totemo iamo dipakatana, natang mutananmo iko tu parri’mu.

LUKAS 16:25 ပူးပေါင်းရင်းမြစ်များ

AYUB 22:18

Sia inang Puang tu umponnoi kaseboan tu banuanna. Apa iatu pa’timbanganna to tang mekaaluk toyang dio mai kaleku.

PA’PUDIAN 17:14

Na limamMi urrampananna’ dio mai tau iato mai, o PUANG, iamotu to umbudanan lino, tu katuoan ia manna te napotaa, amMi patamai apa pura Miparandananni tu tambukna, sia napodia’ dukai anakna, sia iatu sesanna la natampean bati’na.

PA’PUDIAN 49:11

Belanna natiro tu to kinaa mate, sia iatu to baga sia to tang paissan pada sanggang duka, anna tampeanni to senga’ tu barang apanna.

PA’PUDIAN 73:7

Lombon tu matanna napobua’ lompona, sia tarru’ ponno tangnga’ matampo tu penaanna.

BATING 1:7

Lan allo kamaparrisanna sia kalumioranna, iatu Yerusalem tontong ungkilalai, tu mintu’ apa keangga’, tu mangka naampui lan allo lendu’mo; iatonna tobangmo tu bangsana tama limanna ualinna, sia tae’mo to patunduanna, natiromi ualinna, sia napetaai, belanna kasangganganna.

DANIEL 5:30

Iatonna bongi ia bangsiamoto, napateimi tau tu Belsazar, datu to Kasdim.

MATIUS 27:63

nakua: Tabe’ tuang, kikilalai kumua nakua ma’kada tu iti’ To ma’papusa tonna tuopa: tallung allo Kumalimbangun sule.

MARKUS 9:45

Sia iake lentekmu untumangko, ta’takki;

LUKAS 16:20

Den pole’omi misa’ to mase-mase, disanga Lazarus unno’ko’ dio to’ katengkanna, nakarupu bang kele tu kalena;

LUKAS 16:23

Mate dukami tu to sugi’, nadipeliang. Iatonna lanmo naraka, maparri’mi nasa’ding, umbangunammi matanna, natiro mambelai tu Abraham sola Lazarus diong rianna.

LUKAS 16:26

Senga’mito dipaden kumila’ lan kasiallaranta, dadi iatu tau inde te, ke la morai loo mati’, tae’ nama’din, ba’tu to inde tu tae’ naola loo mai.

LUKAS 6:24

Apa upu’ allomi, e to sugi’, belanna mialamo tu kamanamanammi.

YOHANES 16:33

Mintu’nate kupokada lako kalemi, kumua misiria kamarampasan ussisolanNa’. Lan te lino umperasaikomi kamaparrisan; apa pabatta’komi penaammi, belanna Aku te mangkaMo’ untaloi te lino.

PENGGAURANNA RASULU’ 14:22

na umpabatta’ penaanna to menturu’ sia napakilala kumua anna manda’ lan kapatonganan, nakua: tae’ nasalai tang buda kamaparrisan umpatuki’ tu tama ParentaNa Puang Matua.

ROMA 8:7

Apa iatu umparinaa pa’kalean iamo kasiualian Puang Matua, belanna tang umpengkaolai Sukaran alukNa Puang Matua, sia tang nabela duka.

PA’TOLE 28:17

La tampakan ropu tu mai bakamu sia palungan rotimmu.

FILIPI 3:19

Ma’katampakanna tau iato mendadi kasanggangan, sia umpa’deatai tambukna, sia napomasiri’na nasanga napomala’bi’, sia a’gan lino manna nainaa-naa.

1 TESALONIKA 3:3

da anna den misa’ tau diparope tu penaanna lan mintu’ kamaparrisan iate. Belanna kamu kalena unnissanni kumua diona te mangkamiki’ dipaka’panni.

IBRANI 11:25

napola’biran ia dipakario-rio sola taunNa Puang Matua, ke la umposende sangattu’mira kasolleranna kasalan;

1 YOHANES 2:15

Da mikamali’i tu lino ba’tu apa lan lino. Iake denni misa’ tau ungkamali’i te lino, manassa tae’ pa’kaboro’Na Puang Matua lan tau iato.

KADA OMBO’ LAKO RASULU’ YOHANES 7:14

Kukuami lako kalena: Puangri ia untandai. Nakuami lako kaleku: Iamote tu to tassu’ lan mai kadipakario-rioan sia mangkamo umbasei bayu lamba’na sia nabusai rara Anak domba.