LUKAS 16:24 - Sura' Madatu

²⁴ Metambami nakua: O ambe’ku Abraham, kamaseina’, suanna’ dikka’ tu Lazarus, naotonni tu tampak rakka’na rokko uai, nasakka’i bangi tu lilaku, belanna tang kutananmo tu malallangna lan te to’ api.

LUKAS 16:24 ပူးပေါင်းရင်းမြစ်များ

AYUB 20:21

Tae’ bang apa tilendok napobua’ kabarakanna, iamoto natang marendeng tu rongko’na.

YESAYA 27:11

Ianna marangkemo tu mai tangkena, direbong-rebongmi, anna sae tu mai baine umballai; belanna inang tae’ inaanna te bangsa iate, iamoto anna tae’ Nakatirinnai To pagaraganna sia tae’ anNa katuru-turui To kumombongna.

YESAYA 66:24

La sun tu tau iato mai sia la natiro tu batang rabukna mintu’ to sorong boko’mo dio mai Kaleku; belanna iatu ulli’na tae’ nala mate sia iatu apinna tang la pa’de, sia la dadi misa’ apa napomataku’ mintu’ ma’rupa tolino.

ZAKHARIA 14:12

Inde sia tu kasanggangan tu la Napata’pa PUANG lako mintu’ bangsa, tu ullaoi Yerusalem: la Napapoppong Puang tu duku’na ke marassanpi bendan, sia la pu’pu’ tu matanna lan lo’ko’na, sia la poppong tu lilana lan sadangna.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

MATIUS 3:9

Sia da misangai sia ma’kada lan penaammi kumua: Abraham kita tu ambe’ta; belanna kukua lako kalemi, kumua iatu Puang Matua kuasa umpadadianni anak Abraham te mai batu.

MATIUS 5:22

Apa Aku Kukua mati’ kumua: minda-minda tae’ natore kasengkeanna lako siulu’na, la napakannai ukungan ada’; sia minda-minda tu ma’kada lako siulu’na kumua: E baga! La napakannai ukungan ada’ lompo; sia minda-minda tu kumua: E to bomboan? La nakanna ukungan tama api naraka.

LUKAS 16:30

Nakuami: Tae’ ia na iato, sangadinna, iake den bangsiapi misa’ tu to mate sule umpellambi’i, manassa mengkatoba’.

LUKAS 19:9

Nakuami Yesu lako: Ia duka bangsiamote allo iate narampoi kamakarimmanan te banua iate, belanna iate anakna duka Abraham;

LUKAS 3:8

Iamoto dadi pasombomi tu bua sitinayanna katobaran sia da mikua lan penaammi kumua: Abraham kami tu ambe’ki belanna kukua lako kalemi, kumua iatu Puang Matua matoto’ umpadadianni anak Abraham te mai batu.

YOHANES 4:10

Mebalimi Yesu Nakua ungkuanni: Iakemmu tandai tu pa’kamaseNa Puang Matua sia minda tu umpa’kadaiko, kumua: benNa’ uai Kuiru’i, tae’ mutang malakumo lako, sia mangkamoko Naben tu uai marendeng.

YOHANES 4:14

Apa minda-minda unniru’i tu uai la Kubenni, tae’ nala ma’rang len sae lakona, belanna iatu uai Kubenni la mendadi kalimbuang lan kalena natikula’dak-la’dak sae lako katuoan tontong sae lakona.

YOHANES 7:37

Iatonna allo tampaknamo, tonna matannamo tu pa’gauran, ke’de’mi tu Yesu, Napemandui ma’kada Nakua: Iake denni tau ma’rang, nasae lako Kaleku, namangiru’.

ROMA 4:12

Sia napoambe’ dukai to disunna’ tu to tangia manna disunna’ sangadinna unturu’ lalan kapatongananna ambe’ta Abraham, tonna tang disunna’pa.

2 TESALONIKA 1:8

situang api ma’lana-lana, anNa pabala’i tu to untumpu Puang Matua sia iatu to manoka umpengkaolai Kareba-kaparannuanNa Puangta Yesu.

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.

YAKOBUS 3:6

Iatu lila susi misa’ api; anna mintu’na lesoan kaleta lilamo tu misa’ lino pa’rampunanna mintu’ kakadakean, urruttakki mintu’ batang kale sia umballa mintu’ lalan katuoanta, anna ia kalena naballa api naraka.

KADA OMBO’ LAKO RASULU’ YOHANES 19:20

Na iatu olo’-olo’ iato ditingkan sola nabi tang tongan tu umpabu’tu ba’tu pira-pira tanda kalle-kallean dio tingayona. Iamora napapusan mintu’ to untarima tanda olo’-olo’ iato sia to umpenombai rapang-rapang dipodeatanna, dipembuangan tuomi sola duai tama limbong api tu umpodukku solo’.

KADA OMBO’ LAKO RASULU’ YOHANES 20:15

Sia iake den tau tae’ nadiappa’ tu sanganna disura’ lan sura’ katuoan, dipembuangan duka tama limbong api iato.

KADA OMBO’ LAKO RASULU’ YOHANES 22:1

Napakitammo’ misa’ salu nanii uai katuoan, malino susi kinang lolong dio mai to’ isungan kapayunganNa Puang Matua sia Anak domba.

1 SAMUEL 28:16

Nakuami Samuel: Ma’apai mikutanaina’, Natoyangmo tu PUANG dio mai kalemi sia siualimokomi?