LUKAS 16:2 - Sura' Madatu

² Napesuammi puangna, nakuami ungkuanni: Ma’patumbari te angku rangii tu penggaurammu? saluan nasangmo’ rokko tu mukambi’na, belanna tae’mo muma’din dadi to ma’kampa banuangku.

LUKAS 16:2 ပူးပေါင်းရင်းမြစ်များ

TOMANGADA’ 12:14

Belanna iatu simisa’-misa’ penggauranna tau la Napopennolo Puang Matua tama pa’paolaian salu diona tu mintu’ apa membuni, la melona, la kadakena.

MATIUS 12:36

Apa Kukua mati’: Iatu diona mintu’na kada tang kebattuan, tu napokada tau, pada la napenandai ke allo kadiparessan.

MATIUS 20:8

Iatonna bongimo nakuami tu puangna tinde pa’lak anggoro’ lako bandoro’na: Tambaimi tu to mengkarang, benni tu sarona, randuk dio mai tu undi’-undi’na tama sae lako dolo’-dolo’na.

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

LUKAS 12:42

Nakuami Puang: Mindara tu to ma’kampa banua maruru’ sia kinaa, tu naangka’ puangna la ungkapalai mintu’ kaunanna, la umpapantanni kande, ke allu’naomi?

LUKAS 16:1

Sia Nakua duka tu Yesu lako anak gurunNa: Den misa’ to ma’kampa banuanna misa’ to sugi’, natanda’ tau ungkasalapakki iananna puangna.

LUKAS 16:3

Iatonna iato ma’tangnga’mi tu to ma’kampa banua lan penaanna, nakua: La ma’apamora’, belanna la natassu’imo’ puangku lan mai te toeku? La mangkali-kalina’ natang kukulle, la male bangna’ kapalaku-laku na masiri’na’.

ROMA 14:12

Iamoto anta sipatu pantan la ussalui (lako Puang Matua) tu diona kaleta.

1 KORINTUS 1:11

Belanna, e kamu siulu’ku, naparampoammo’ to lan banuanna Kloë tu diona kamu, kumua den kasisakkammi.

1 KORINTUS 4:2

Na iatu dituntunnapa dio to makaritutu, la payanan manappa’.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

1 TIMOTIUS 4:14

Da mukasalioi tu pa’kamasean lan kalemu, tu dipa’kamasean lako kalemu tete dio pa’nubua’ tonna remme’iko limanna mintu’ penatua.

1 TIMOTIUS 5:24

Iatu kasalanna tau pira payan bang, naurunganni undoloi lako ukunganna; apa iatu kasalanna tau pira undipi namane payan.

1 PETRUS 4:10

La sikamayangkomi sitinayanna pa’kamase dio kale simisa’-misa’mi, susito mangringki mapato tu dipaingko’i ma’rupa-rupa pa’kamaseanNa Puang Matua.

1 PETRUS 4:5

apa inang la napebalii lako Puang undinna, tu tumaya la umpaolai salunna la to tuo la to mate.

KADA OMBO’ LAKO RASULU’ YOHANES 20:12

Kutiromi tu mintu’ to mate, la kapua, la bitti’ bendan dio olo isungan kapayungan iato, sia ba’tu pira-pira sura’ dibungka’, sia dibungka’ pole misa’ sura’ senga’, iamo sura’ katuoan; na mintu’ tu to mate iato, dipaolai salunna unturu’ tu disura’ lan mintu’ sura’ iato sitinaya mintu’ penggauranna.