LUKAS 16:15 - Sura' Madatu

¹⁵ Apa Nakua Yesu lako tu tau: Kamumo tu ussanga bang kalemi to malolo dio tingayona tau, apa Naissan duka sia Puang Matua tu penaammi; iatu nasanganna tolino kapua, iamo Nakagi’gi’na Puang Matua.

LUKAS 16:15 ပူးပေါင်းရင်းမြစ်များ

1 OSSORANNA DATU 29:17

Kuissan, o Kapenombangku, kumua Kamu tu ussudi penaa sia nakalo’ penaamMi tu kamaloloan, – bulo lollong penaangku ussorongangKomi te mintu’ apa iate; totemo parannu penaangku untiroi, kumua iatu taumMi, tu limbong totemo indete, ussorongan, dukaKomi pamengan sisola kamalangngoran penaanna.

2 OSSORANNA DATU 6:30

Perangii lan mai suruga, inan matontonganMi sia pa’dei tu kasalanna sia pantan Mipapakkanni sitinaya mintu’ penggauranna, belanna Mitandai tu penaanna – belanna Kamu manna untandai tu penaanna mintu’ ma’rupa tau.

PA’PUDIAN 10:3

Belanna iatu to tang mekaaluk ussattuan kalena unturu’ lalan penaanna, sia iatu to mesaro bu’tu kadake untendeng kalena sia umpa’kada solangi PUANG.

PA’PUDIAN 49:13

Apa iatu tolino sola kamala’biranna tae’ anna marendeng; sia iatu a’ganna sangtinti patuoan la ditunu.

PA’PUDIAN 49:18

Belanna iake nalambi’mi kanna bunu’na moi misa’ apa tae’ anna baa lenni, sia tae’ anna la undi urrundu’i kamala’biranna.

PA’PUDIAN 7:9

PUANG umpaolai salunna mintu’ bangsa, paolaina’ salunna sitinaya kamaloloangku, sia penaa ma’bulo-lollongku.

SARAMBU PEADA’ 16:5

Minda-minda matampo penaanna Nakagalli PUANG; manassa tae’ nala tilendok dio mai ukungan.

SARAMBU PEADA’ 20:6

Buda tu tau umpudi kalena kamasokananna, apa iatu to matappa’, mindara ma’din ullambi’i?

SARAMBU PEADA’ 21:2

Iatu mintu’ lalanna tau nasanga malolo dio pentirona, apa PUANG ussudii tu penaa.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

MALEAKHI 3:15

Na totemo tapokada kumua maupa’ tu to matampo; tangia kumua manaman manna, moi naumpogau’ kakelokan, ondongpi natoba duka tu Puang Matua, anna tilendok siapa.

MATIUS 23:5

Napogau’ bang tu mintu’ penggauranna kumua nakitai tau; napekalua’i tu beke’ napake massambayang sia napekalandoi tu rombe-rombe sambu’na.

MATIUS 6:16

Sia iammi ma’puasa, da misusi to belo puduk umpamaru’gun lindona; belanna umpamariga-riga rupanna anna tandan nakita tau kumua ma’puasa. Tonganna tongan Kukua mati’, naala dolomo tu poleanna tu tau iato.

MATIUS 6:2

Iamoto, iammu bengan pa’kamasean, da mupa’petendenganni tu iannato dio tingayomu, susitu napogau’ to belo puduk lan banua pa’kombongan sia dio lu lalan, kumua anna tendengi tau. Tonganna tongan Kukua mati’, inang naala dolomo tu poleanna.

MATIUS 6:5

Iammi massambayang, da misusi to belo puduk; belanna naporai ke’de’ massambayang lan lu banua pa’kombongan sia dio lu tetuk batatta kumua anna kitai tau. Tonganna tongan Kukua mati’, naala dolomo tu poleanna.

LUKAS 10:29

Apa la morai bang untonganan kalena tu tau iato, nakuami lako Yesu: Mindara tu padangku to lino?

LUKAS 11:39

Nakuami Puang lako: E, kamu to Farisi, manassa umbaseikomi salianna irusan, sia kandian, apa lanmi lu ponno kabasisi-inaan sia kakadakean.

LUKAS 18:11

Ke’de’mi tu to Farisi massambayang lan penaanna, nakua: O Puang Matua! ma’kurre sumanga’na’ lako Kalemi, belanna aku te tae’ kususi to senga’, to unnalai bang apanna tau, ba’tu to matampo, ba’tu to pasandak salu lako rampanan kapa’, ba’tu susite passima iate;

LUKAS 18:14

Kukua lako kalemi: iate tau iate diseroi sule lako banuanna, apa iatu tau ina’ tae’, belanna minda-minda umpamadoan bang kalena, iamo la dipamadiongan, na minda-minda umpamadiongan kalena, iamo la dipamadoan.

LUKAS 18:21

Nakuami tu tau iato: Mintu’na to inang kupenandaimo tempon dio mai bitti’ku.

LUKAS 18:9

Napokadan pole’omi Yesu te pa’pasusian iate lako tu tau ussanga kalena malolo sia ussayu bang mintu’ to senga’:

LUKAS 20:20

NatuntunNi bangmi tau iato, iamoto nasuai ba’tu pira-pira tu tau loo ummata-matai sia unna’ga to malolo kalena, kumua anna pentoei sangbuku tu kadanNa, tu la naninna umpa’peturoanNi lako to paa sia lako parentana to maraya.

LUKAS 20:47

sia iatu unnimbakan iananna baine balu sia naangga’-angga’i umpamalambe’ passambayangna; iatu tau susito mandu la narua tampak ropu.

YOHANES 2:25

Sia belanna tae’ Naanga’ misa’ duka tau la ungkatottongi tu diona tolino, belanna Ia kalena unnissanni tu lanna penaanna tolino.

YOHANES 21:17

Natole pole’omi ma’kada lako Nakua: E Simon, anakna Yohanes, mukamali’Ra’ka? Masussami tu Petrus tu belanna ma’pentallun maro’mo ma’kada lako kumua: Mukamali’Ra’ka? Nakuami lako: O Puang, mintu’na angge maritik Miissan nasang, Miissan duka kumua aku te kukamali’Komi. Nakuami Yesu lako: Kaduttu’i tu mintu’ dombaKu.

PENGGAURANNA RASULU’ 1:18

Iate tau iate umposaro pa’lak sanginan lan kakadakeanna, natobang tipessussuk sia tiballak natisasu tambukna.

PENGGAURANNA RASULU’ 1:24

Massambayangmi tu tau nakua: O Puang, Kumumo tu unnissan penaanna mintu’ tau, pakitammokan umbanna Mipilei te tau sola duai,

PENGGAURANNA RASULU’ 15:8

Anna Puang Matua, tu untandai penaanna tau, untongananni tu tau Napa’kamaseanni lako tu Penaa Masallo’ susitu kaNakamaseinta;

ROMA 3:20

Apa iatu umpogau’ Sukaran aluk, tae’ tau misa’ dibilang malolo dio oloNa Puang Matua, belanna lan mai tu Sukaran aluk nanii bu’tu tu dininna untandai kasalan.

ROMA 8:27

Anna Puang, tu ussudi penaanna tolino, Natandai tu apa Natungkanan Penaa, belanna iatu Penaa umpa’kadan mintu’ to masero situru’ pa’poraianNa Puang Matua.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

1 PETRUS 3:4

sangadinna sipa’ malammak diong ba’teng, tu umpake pakean tang la sanggang, iamotu kedo sorong inaa sia kappa, tu kapua angga’na dio oloNa Puang Matua.

1 PETRUS 5:5

Susi duka kamu, e to mangura, la tundukkomi lako mintu’ penatua sia la situndu-tunduangkomi sola nasang umpotambeke’ kaumpamadiongan penaa; belanna Nabali Puang Matua tu to matampo, apa Napa’kamasean tu pa’kamasean lako to madiongan penaanna.

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

1 SAMUEL 16:7

Apa sae tu kadanNa PUANG lako Samuel, nakua: Da narupanna bang mutiro ba’tu kakalandoanna kalena, belanna tae’ naalai penaangKu. Belanna iatu natirona tolino, tae’ na ia bang tongan; belanna iatu tolino ia manna tu apa dio tingayona natiro, apa PUANG untiroi tarru’ tama ba’teng.