LUKAS 15:6 - Sura' Madatu

⁶ Sia ianna rampomo lako banuanna, natambaimi tu mintu’ sangmanena sia sangbanuanna sirampun, nama’kada lako, nakua: La parannu-rannuki’ sola, belanna kukabu’tuimo sule tu domba pa’deku.

LUKAS 15:6 ပူးပေါင်းရင်းမြစ်များ

PA’PUDIAN 119:176

Pusamo’ susi domba natampe solana, daka’i te taumMi; belanna tae’ angku kalupai tu mai pepasanMi.

LUKAS 1:58

Mintu’na to sikandappi’na tiku lao sia mintu’na sangdadianna urrangii, kumua Napakapuamo Puang Matua tu kamamaseanNa lako, dadi menturu’ duka tu tau parannu penaanna.

LUKAS 15:10

Iamoto nakua kadangKu mati’: Susimoto tu kaparannuanna mintu’ malaeka’Na Puang Matua tu belanna misa’ to kasalan mengkatoba’.

LUKAS 15:24

Belanna matemo tu anakku anna tuo sule, pa’demo anna bu’tumo sule. Pakalan naparandukmi ma’marua’-rua’.

LUKAS 15:5

Iake nakabu’tui, parannumi penaanna male ungkolongi.

LUKAS 15:7

Kukua lako kalemi: La susimoto tu kaparannuan lan suruga, belanna misa’ to kasalan mengkatoba’ losong ia na kasera pulona ngkasera to maruru’ penaanna tu tau ussanga kalena tae’mo namanggi’ la mengkatoba’.

YOHANES 15:14

Kamumo te tu sangmaneKu, ke mipogau’i tu apa Kupa’peannan lako kalemi.

YOHANES 3:29

Iatu ampunna baine la dirampanni kapa’, iamotu muane la urramppanni kapa’; apa iatu sangmuanena muane la diparampo, ke’de’ umperangii, lendu’ parannunna belanna narangi gamaranna tu muane la diparampo; na totemo te sundunmo tu kaparannuangku.

PENGGAURANNA RASULU’ 11:23

Iatonna rampomo, natiroi tu pa’kamaseanNa Puang Matua, parannumi, anna pakilalai tu tau mintu’, kumua anna tontong maruru’ lako Puang susitu diongnamo penaanna.

PENGGAURANNA RASULU’ 15:3

Iamoto anna solanni kombongan tinde rasulu’ sola duai lako salian tondok, anna male ullendu’i Fenisia na Samaria sia naulelean tu diona to kapere’ mengkatoba’, anna umpabu’tu kaparannuan kapua lako mintu’ to sangsiuluran.

FILIPI 1:4

Tontongna’ parannu lan mintu’ passambayangku umpangandoangkomi.

FILIPI 2:17

Moi susinna anna dipato’do raraku dibolloan pemala’ sia pesuru’ kapatonganammi, parannu duka penaangku sia sende-sendena’ sisola kamu massola nasang,

FILIPI 4:1

Iamoto, e sangsiulurangku tu kupakaboro’ sia kukamali’, tu kupoparannu sia kupomakota, susinnamirato bantangkomi lan kasiturusanna Puang, e pa’kaboro’ku.

1 TESALONIKA 2:19

Belanna mindara tu kiporannu ba’tu kiposende ba’tu kipomakota passattuan? Tang kamu dukaraka dio oloNa Puangta Yesu ke attu kasaeanNai?

1 PETRUS 2:10

iamotu kamu dolona tangia taunNa, apa totemo taunNamo Puang Matua; tu dolona tang unnappa’ kamamasean, apa totemo te dikamaseimo.

1 PETRUS 2:25

Belanna dolona pusakomi susi domba, apa totemo mengkara’pa lu lakomokomi To mangkambi’ sia To ungkatirinnai deatammi.