LUKAS 15:28 - Sura' Madatu

²⁸ Sengkemi, manoka loo tama; iamoto dadi sunmi tu ambe’na loo unnaran-naranni.

LUKAS 15:28 ပူးပေါင်းရင်းမြစ်များ

YESAYA 65:5

Sia to ma’kada susite nakua: Mari’piKomi indetu, da Mireke’na’, belanna aku te to tang direke’. Iate tau iate susito rambu lan illongKu sia sangtinti api dukku tu’tu’allo.

YESAYA 66:5

Tananni talinga tu kadanNa PUANG, e kamu tu ma’parondona belanna kadanNa: Iatu mintu’ siulu’mi, tu ungkabiri’komi sia ussisarakangkomi belanna sangangKu ma’kada nakua: Melo ke umpaombo’i kamala’biranNa tu PUANG, angki tiroi tu kasendeammi. Apa ia kalena la kasirisan tu tau iato mai.

YEREMIA 35:16

Tonganna mintu’ anakna Yonadab, anakna Rekhab, ungkaritutui pepasanna ambe’na, tu napokadanni apa iate bangsa iate tae’ naperangiiNa’.

YUNUS 4:9

Ma’kadami Puang Matua lako Yunus Nakua: Sipaturokoka la sengke diona kayu pallan iate? Mebalimi nakua: Sipatuna’ sengke, sakupomatena.

MATIUS 20:11

Tonna tarimai, sipa’nuku-nuku- ammi tu tau iato lako tinde to makaka, nakua:

MARKUS 1:40

Saemi lako Yesu tu misa’ to golenan malaku sia malinguntu’ dio oloNa, nakua: Iake Miporai, manassa kuasaKomi umpamalekena’.

LUKAS 13:34

E Yerusalem, Yerusalem, tu umpatei tu mai nabi sia untumbui batu tau disua lako kalemu, ba’tu pempiranMo’ la morai urrampun anakmu susi indo’ manuk urrampun anakna lan to’ pani’na, apa manokakomi.

LUKAS 15:2

Sipa’nuku-nukuammi tu mintu’ pandita Sura’ sia to Farisi, nakua: Na iate Tau te untarima to kadake gau’na, sia kumande sola.

LUKAS 15:27

Nakuami lako: Napa tu adimmi sulemo, natunuanni ambe’mi anak tedong maloppok, belanna nakabu’tui marampa’mo sule.

LUKAS 15:29

Apa nakua mebali lako ambe’na: Timbang-timbangi; sama-samamo’ taunna matutu dio kalemi; tae’ bangra kupasalai, ke mikuanna’, natae’ bangpa aku miben lenna’ anak bembe’ misa’, angku ma’marua’-rua’ sola sangmaneku.

LUKAS 24:47

nadipalele sola sanganNa tu kamengkatobaran umpasae kadipa’deian kasalan lako mintu’ issinna lino nasambo langi’ narande tana, randuk dio mai Yerusalem.

LUKAS 5:30

Iatu to Farisi sia pandita Sura’ situmberu’-beru’, nakua lako anak gurunNa: Ma’apari ammi kumandera sia mangiru’ sola passima sia to kadake gau’na?

LUKAS 7:39

Iatonna tiroi to Farisi untoratu Yesu tu iannato, nakuami lan penaanna: Iakenna la nabi te Tau iate, manassa Natandai, mindara, sia baine apara te, tu ussapui lako, belanna ia tinde baine to kadake gau’na!

PENGGAURANNA RASULU’ 13:45

Apa iatonna tiroi to Yahudi tu to buda, lendu’mi mabiri’na, sia umbali kadanna Paulus sia napokada kadake.

PENGGAURANNA RASULU’ 13:50

Apa napakulu-kulu to Yahudi tu mai mintu’ baine mala’bi’ umpengkaolai Puang Matua sia iatu mai to kapua lan tondok iato, napakitai kadipakario-rioan tu Paulus sola Barnabas, naali’i lan mai parentana.

PENGGAURANNA RASULU’ 14:19

Apa pakalan nasaemo ba’tu pira-pira to Yahudi dio mai Antiokhia sia dio mai Ikonium umpabalik penaanna to buda, anna tumbui batu tu Paulus, sia nariu’ lako salian tondok nasanga matemo.

PENGGAURANNA RASULU’ 14:2

Apa iatu mai to Yahudi tang ma’patongan napakulu-kulu sia nasarrang tu to kapere’ unneai tu to sang- siuluran.

ROMA 10:19

Apa kukua: Tae’raka naissanni to Israel? Tonganna, dolona napokadamo Musa kumua: Aku te la umpabu’tuNa’ kapangimburuammi lako misa’ bangsa tang disa’bu’ bangsa, sia la umpabu’tuNa’ kasengkeammi lako misa’ bangsa tang paissan.

2 KORINTUS 5:20

Iamoto kidadi pesuanNa Kristus sia kiissan, kumua Naposumbungan pudukkan Puang Matua ma’pakilala; angki ma’kada dio Kristus umpalakui kumua: Sangapaoi upa’ ammi dipasikaelo Puang Matua!

1 TESALONIKA 2:16

sia nagagaikan ma’kada lako tu mai to kapere’, dikua anna kabu’tui kamakarimmanan; iatu iannato nanii to Yahudi nenne’ untompei kasalanna; apa narampoimo kasengkeanNa Puang Matua landa’ lako ma’katampakanna.

1 SAMUEL 17:28

Narangimi Eliab, kaka pa’bunga’na, tu apa napokada lako tau iato, iamoto anna re’dek ara’na lako Daud, anna ma’kada nakua: Ma’apari ammu saera inde te sia mindara mupa’tampei tu domba sidi’ dio padang pangallaran? Kuissanmo tu kabaraniammu sia kakadakeanna penaammu; iatu kasaeammu te, la morairoko untiro kasirarian.

1 SAMUEL 18:8

Re’dekmi ara’na Saul sia tang naporai, anna tangnga’i lan penaanna: Daud naben tau iato mai ma’lampa-lampa, apa aku ma’sa’bu-sa’buri. Manassa ia duka tu kadatuan ia umpotaai undinna.