LUKAS 15:24 - Sura' Madatu

²⁴ Belanna matemo tu anakku anna tuo sule, pa’demo anna bu’tumo sule. Pakalan naparandukmi ma’marua’-rua’.

LUKAS 15:24 ပူးပေါင်းရင်းမြစ်များ

KADADIAN 45:28

Nakuami tu Israel: Ganna’moto, iatu anakku Yusuf tuo siapa, la laona’ sitiro kumane mate!

YESAYA 35:10

mintu’ to Nala’bak PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna; tau iato mai la unnappa’ kasendean sia kaparannuan, apa mintu’ kamasussan sia kasumarroan la mallai.

YESAYA 66:11

kumua ammi mimmi’i sadia’mi tu susu pa’pakatananna, sia miiru’i sanabossami tu susu masekkaranna.

YEHEZKIEL 34:16

Iatu mai pa’dena la Kudaka’ sia iatu pusanna la Kupasule; iatu dibangkeinna la Kubimbin sia iatu masakinna la Kupamatoto’, apa iatu malompona sia iatu mawatangna la Kusanggangi. La Kukambi’ susi sipatunna dipogau’.

YEHEZKIEL 34:4

Iatu tang nabelanna tae’ mipamatoto’i, iatu masakinna tae’ midampii, iatu dibangkeinna tae’ mibimbinni, iatu pusanna tae’ mipasulei sia iatu pa’dena tae’ midaka’i sangadinna makarra’komi sia masa’ga’komi umparentai.

MATIUS 8:22

Apa Nakua Yesu lako: Undiko urrundu’Na’ da’ito anna to matemora umpeliangi tu to matena.

MARKUS 8:22

Saemi lako tondok Betsaida. Nabaami tau lako Kalena tu to buta misa’ sia napalaku anNa sapui.

LUKAS 10:19

Tonganna denmo kamatotorammi tu mangka Kubenkomi la ullese ula’ sia sando sia la misau’ tu mintu’ kamatotoranna uali, sia tae’mo apa la umpatumba-tumbakomi.

LUKAS 15:23

sia baai mai tu anak tedong maloppok misa’, mitunuanni, la ma’marua’-rua’ki’.

LUKAS 15:25

Iatu anak pa’bunga’na dio lu pa’lak; tonna saemo mandappi’mo lako to’ banua narangii tu to ma’gandang sia to manimbong;

LUKAS 15:32

Sipatuki’ ma’marua’-rua’ sia parannu-rannu, belanna iate adimmu matemo anna tuomo sule, pa’demo anna dikabu’tuimo sule.

LUKAS 15:4

Mindarokomi kamu tu unnampui domba saratu’, ke pa’dei misa’, tang untampei tu kaseranna pulona ngkasera dio lu padang, namale undaka’i tu misa’, tu pa’dena sanaalanna?

LUKAS 19:10

belanna saemo Anak rampan dilino la undaka’i sia ungkarimmanni tu pa’dena.

LUKAS 9:60

Nakuami Yesu lako: Da’ito na to matemora umpeliang to matena, malemoko ria umpatale’ ParentaNa Puang Matua.

YOHANES 11:25

Nakuami Yesu lako: Akumote tu kamalimbangunan sia katuoan; minda-minda tu umpatonganNa’, moi anna mate, la tuo;

YOHANES 5:21

Belanna susi Ambe’ umpamalimbangun to mate anNa patuoi, ten dukamoto tu Anak umpatuoi minda-minda tu Naporai.

ROMA 11:15

Belanna iake ia napasikaelo issinna lino tu kadisa’biangananna to Israel, la ma’patumba pole’opi ke ditarimai sule, ke tang katuoan dio mai to’ to mate?

ROMA 12:15

Pada parannukomi to parannu; sia pada tumangi’komi to tumangi’.

ROMA 6:11

Susi dukamoto la urrekenkomi kalemi mate tilendok dio mai kasalan, apa tuo mengkaola lako Puang Matua lan Kristus Yesu.

ROMA 6:13

sia da misorongi tu lesoan kalemi lako kasalan napoparea kakelokan, sangadinna sorongi tu kalemi butung to mate tuo sule, sia iatu lesoan kalemi lako Puang Matua napopareai kamaloloan.

ROMA 8:2

Belanna iatu lalan biasanNa Penaa tu umpa’kamasean katuoan lan Kristus Yesu mangkamo umpopentorro to makakana’ dio mai lalan biasanna kasalan sia kamatean.

1 KORINTUS 12:26

Iake misa’ lesoan kale mapa’di’, mintu’i ussa’dinganni, sia iake misa’ lesoan kale dipakala’bi’, mintu’i pada-pada parannu.

EFESUS 2:1

Kamu duka dolona matemo belanna mintu’ gau’ kadake sia kasalammi,

EFESUS 2:5

tonta mate diona kasalan, Napatuomiki’ sola Kristus – anna tete dio pa’kamasean, minii dipamakarimman –,

EFESUS 5:14

Iamoto anna den tu kada nakua: Millikko, e iko tu mamma’na, sia malimbangunko dio mai to’ to mate, anna Kristus unnarrangko.

KOLOSE 2:13

Sia kamu tu mate tete dio kasalan sia tang dipogau’ sunna’ lako kalemi, mangka dukakomi dipatuo sola, tonna pa’deimi tu mintu’ kasalanta,

1 TIMOTIUS 5:6

Apa iatu unturu’na bang kamoraian penaanna, tonganna tuo apa samanna mate.

YUDAS 1:12

Tau iamote mai tu umpaattangan mintu’ kakumandean umpotete pa’kaboro’mi, ke kumandekomi sola tau iato mai tae’ naissanni tu siri’, ungkilalai misa bang kalena; butung to gaun tang untambuk uai, nairi’ angin male lao, sia susi garonto’ kayu tang membua ke tampak pealloanni, penduan mate sia tibuak sae lako aka’na;

KADA OMBO’ LAKO RASULU’ YOHANES 3:1

Surasanni malaeka’ kombongan Sardis susite: Iamote tu kada lu dio mai Puang tu unnampui tu pitu PenaanNa Puang Matua, sia iatu pitu bintoen; Kuissan tu mintu’ penggaurammu, kumua disanga tuoko, apa iatu tonganna mateko.