LUKAS 15:22 - Sura' Madatu

²² Apa nakua tu ambe’na lako kaunanna: Madomi’komi baai mai tu sambu’ me’lok, ammi papakei sia patamanni sissin tu limanna sia paluangi sepatu tu lentekna;

LUKAS 15:22 ပူးပေါင်းရင်းမြစ်များ

KADADIAN 41:42

Nalossokammi Firaun tu sissinna lan mai limanna anna patamai limanna Yusuf sia mesua umpapakei sampin kasa malannang sia napamanikki rante-rente bulaan.

ESTER 3:10

Naalami datu tu sissin peca’na lan mai rakka’na anna benni Haman, anakna Hamedata, to Agag, ualinna to Yahudi.

ESTER 8:2

Nalossokkimi datu tu sissin peca’, tu mangka naala sule dio mai Haman, anna benni Mordekhai, sia naangka’mo Ester tu Mordekhai ungkampai banuanna Haman.

PA’PUDIAN 132:16

Sia iatu mai to minaanna la Kubungku’ kasalamaran, anna mintu’ to sallo’na la parannu paiman unnarrak.

PA’PUDIAN 132:9

Sangapaoi anna umpembungku’ kamaloloan tu mintu’ to minaamMi, sia sangapaoi anna sila’tekan tu mintu’ to masallo’Mi.

PA’PUDIAN 18:33

Iamotu Kapenomban umpatambeke’ina’ kamabukuan, sia umpamarante lalanku.

PA’PUDIAN 45:13

Iatu Lai’na datu Tirus la sae umpennoloan pamenganna, sia iatu mai to la’bi’na mintu’ bangsa malaku la mikasokanni.

PA’TENDENG BALLO 7:1

Lendu’ ia melona tu tengkamu ma’sepatu, e anak datu! Iatu bangun pupummu susito apa dipobelo, panggaraga lima to pande.

YESAYA 61:10

Iatu penaangku umpoparannu tongan PUANG, iatu deatangku unnarrak-arrak umposende-sende Kapenombangku, belanna Natamangkaleimo’ pakean kasalamaran, sia Napabayuina’ bayu lamba’ kamaloloan, sangtinti to muane diparampo ma’passapu susito minaa sia ten to baine diparampo umbeloi kalena.

LUKAS 15:21

Apa nakua tu anakna lako: O ambe’ kasalammo’ lako Puang Matua sia lako kalemi; dadi tang sipatumo’ la misanga anakmi.

LUKAS 15:23

sia baai mai tu anak tedong maloppok misa’, mitunuanni, la ma’marua’-rua’ki’.

ROMA 13:14

Sangadinna la umpokararrankomi Puang Yesu Kristus, sia da’ mipasasua’nai tu kalemi da anna samasarrang-sarrangna tu kamoraian.

ROMA 3:22

iamotu kamaloloanNa Puang Matua tete dio kaumpatonganan Yesu Kristus umpatu sia tang umpasalian rinding mintu’ to ma’patongan; belanna tae’ silaenanna.

ROMA 8:15

Belanna tangia unnappa’komi penaa kakaunanan naurunganni mataku’pokomi, sangadinna unnappa’mokomi Penaa umpadadikomi to dianak, tu tabannang metamba kumua: Abba, o Ambe’!

GALATIA 3:27

Belanna pira-pirakomi tu didio’ tama Kristus, umpopakemokomi Kristus.

EFESUS 6:15

sia iatu lentekmi umpolapik kamatinurusan umpatale’ Kareba-kaparannuan kamarampasan,

PA’TOLE 33:25

Na bassimora sia tambaga muposalliran, nakamatotorammumora la pada lambe’ sunga’mu.

KADA OMBO’ LAKO RASULU’ YOHANES 19:8

Nadikamasei, dikua anna umpakei kalena sampin kasa dadi’, pandila-dila sia masero; belanna iatu sampin kasa dadi’ iamo dipasangtinti mintu’ penggauran malolona to mai to masallo’.

KADA OMBO’ LAKO RASULU’ YOHANES 2:17

Minda-minda ketalinga la naperangii tu apa Napokada Penaa lako mintu’ kombongan. Na lako tu to patalo, la Kuben manna kabunian, sia la Kuben misa’ batu mabusa na dio batu iato tisura’ misa’ sanga ba’ru, tu tae’ misa’ tau untandai, sangadinna ia manna tu to untarimai.

KADA OMBO’ LAKO RASULU’ YOHANES 3:18

iamoto Kupakilalako ammu allii lako Kaleku tu bulaan mangka disudi api, ammu sugi’; sia pakean mabusa, ammu ma’tamangkale, da nasombo tu kamasirisammu ma’kambelang, sia palakoi pedampi minna’ tu matammu, ammu pakita.

KADA OMBO’ LAKO RASULU’ YOHANES 6:11

Dipapantannimi bayu lamba’ mabusa, sia dipokadan kumua la melayopa sattu’, sae lako ganna’na tu bilanganna mintu’ to nasolan Napotau Puang Matua; iamotu sangsiuluranna tu la dipatei duka susi tau iato mai.

KADA OMBO’ LAKO RASULU’ YOHANES 7:9

Undinnato kutiro den misa’ kasirampunan kapua, na moi misa’ tau tae’ nakulle umbilangi, tu lu dio mai mintu’ bangsa sia suku sia mintu’ to sangpetayanan sia mintu’ basa, bendan nasangmi dio olo isungan kapayungan sia dio oloNa Anak domba, ma’bayu lamba’ busa, sia lan limanna den palapa kambuno;