LUKAS 15:15 - Sura' Madatu

¹⁵ Malemi ussaro mase lako misa’ tau lan tondok iato, nasuami tinde tau lako pa’lakna ungkampai bai.

LUKAS 15:15 ပူးပေါင်းရင်းမြစ်များ

2 OSSORANNA DATU 28:22

Iatonna lan kapussakanna, datu Ahas ia duka bangsiato, tu tontong tang maruru’ lako PUANG.

KATASSURAN 10:3

Malemi tu Musa sola Harun umpennoloi Firaun, anna kuai lako: Nakua kadanNa PUANG, tu Kapenombanna to Ibrani: Sangapapoko manoka la tunduk dio oloKu? Eloranni tu taungKu male anna menomba lako Kaleku!

YESAYA 1:5

Apapa gai’mi diada’? Belanna samemboko’-boko’mi bangmo. Mintu’ ulummi sipa’dikan, sia puru’mo tu penaammi.

YESAYA 57:17

Belanna kakadakean kabarakanna tau iato mai, anna pare’dekki tu ara’Ku, angKu pata’pai lima sia belanna kare’dekangKu angKu pentilindunganni. Apa moi nasusito, memboko’ duka dio mai Kaleku sia unturu’ lalan penaanna.

YEREMIA 5:3

O PUANG, tang Mipenunuraka tu kabulo-lollongan? Mangkamo Mibamba tu tau iato mai, apa tae’ nasa’dinganni tu mapa’di’; Misanggangmo, apa natumpu tu peada’, sangadinna umpamatoro lindona ondong na buntu batu sia noka mengkatoba’.

YEHEZKIEL 16:52

La mutanggung tu attangammu, e iko, tu umpatunduk to ma’paolai salu umpamaringan pangra’ta’ kara-karana sangbainemu; tete dio kasalammu tu napobannang umpogau’i tu apa megallian losong anna iatu napogau’na tau iato mai, iatu tau iato mai maringan salana na iko. Iamoto sipatuko masiri’ sia untanggung kalenai tu attangammu, belanna mupabutung to tae’ salana tu sangbainemu.

YEHEZKIEL 16:63

ammu mengkilala sia masiri’ sia anna diona siri’mu ammu tang umbungka’ pudukmu –, ke Kupadenni tu pengkalossoran diona mintu’ apa mangka mupogau’, kadanNa Puangta PUANG.

NAHUM 3:6

Kuleba’ko apa masarepa sia la Kupamatunako sia la Kupadadiko pengkitan,

MALEAKHI 2:9

Iamoto Kupopendadikomi to dilo’bo sia dipopengkadiongan dio tingayona mintu’ to buda, belanna tae’ mituru’i tu mintu’ lalanKu sia mipelindo tu tau, ke mipa’pangadaranni tu Sukaran aluk.

MATIUS 7:6

Da mibenni apa masero tu asu sia da mipembuanganni tu mattiarammi lako to’ bai, nalullu’ manii anna sule umballak-ballakkomi.

LUKAS 15:13

Nataammi tu iananna lako. Tae’ napirang allo to, naparandan nasangmi, namale lako misa’ tondok mambela, natabu-tabu bangi tu iananna dio lu, belanna solle’-solle’ bangmo.

LUKAS 15:14

Pakalan tonna puramo umpamalei tu apanna, saemi karorian pannang lan lu tondok iato, randukmi kapu’duran.

LUKAS 15:16

La moraimi ungkande bangi tu pa’parran, tu nakande bai, apa moi misa’ tau tae’ duka umbenni.

ROMA 6:22

Apa totemo iammi mangka dipopentorro to makaka dio mai kasalan, sia dipopengkaunan lako Puang Matua, la unnappa’komi bua umpabu’tu kamaseroan, nama’katampakanna katuoan sae lakona.

TITUS 3:3

Belanna kita duka bagaki’ pirambongi’ sia pabali-bali sia pusa sia unturu’ ma’rupa-rupa kamailuan sia pa’poraian lino, tuo lan kakadakean sia kamagallian sia tumbuan biri’ sia sikabiri’.