LUKAS 14:21 - Sura' Madatu

²¹ Nasusito sule bangmi tinde kaunan lako puangna umpokadanni tu mintu’nato. Sengkemi tu ampu banua, nakua lako kaunanna: Maleko madomi’ lan lu tondok, mubaai dio mai tu mintu’ to kalala’ sia to sala’ dadi, sia to buta sia to sondo’.

LUKAS 14:21 ပူးပေါင်းရင်းမြစ်များ

PA’PUDIAN 2:12

Pangke’i tu Anak da Nasengke sia da misanggang dio lu lalan, belanna madomi’ re’dek tu ara’Na, maupa’ tu mintu’ to umposande’I.

PA’PUDIAN 38:7

Tikongko-kongkona’ sia bukku’ tonganmo’, kiallo-kiallo butungna’ to sidudung pote.

YESAYA 33:23

Mintu’ ulangmu tikkondo’mo, tae’mo napabantangi tu lentongna sia tae’mo naballa’i tu somba’na. Attu iato untaa-taa pangrampa sebo, moi to kupi’ urrampun duka pangrampa.

YESAYA 35:6

Attu iato to kupi’ la mekkondong susi donga sia lila to mamang la kumalasi-lasi, ke tikula’dakki tu uai dio padang aak sia salu dio padang pangallaran.

YEREMIA 5:1

La lele-lelekomi lan lu batatta Yerusalem, tiro meloi sia kamantang tonganni sia daka’i lan lu tana lapangna, ke denni miappa’, moi misa’mora tau tu umpogau’ salunna sia untoe manda’ kabulo-lollongan, manassa la Kupa’dei tu kasalanna.

ZAKHARIA 11:11

Susimoto tu apa iato dipoka tonna allo iato; susi dukamoto iatu makario-riona dio lu mintu’ domba, tu umpalanna’ penaa, unnissanni, kumua iamote tu kadanNa PUANG.

ZAKHARIA 11:7

Iamoto kukambi’i tu mintu’ domba la ditunu – iamo napobannang to namakario-rio dio lu mintu’ domba angku alai tu tekken da’dua, misa’ kusangai Pa’kaboro’na iatu misa’ Pa’pori, susimoto kunii ungkambi’i tu tuntunan iato.

MATIUS 11:28

Malekomi mai, e kamu mintu’ boyo’na sia dipapassanni magasanna, Akumote tu la umbenkomi kapelayoan.

MATIUS 11:5

Iamotu to buta pakita sia to kupi’ lumingka, to golenan dipamondo sia to taru parangi, sia to mate dipatuo sia Kareba kaparannuan dipa’peissanan lako to kalala’.

MATIUS 15:12

Pakalan saemi tu anak gurunNa, nakua lako: Miissan siaraka kumua mapa’di’ penaa tu to Farisi, tonna rangii tu kada susi to?

MATIUS 18:31

Iatonna tiroi mintu’ solana tu penggauran iato, lendu’mi masussanna, nalao umparampoi lako puangna tu mintu’nato.

MATIUS 20:7

Nakuami tinde tau lako: Belanna tae’ bang tau ussarokan. Nakuami lako: Male dukakomi inde tu tama pa’lak anggoro’.

LUKAS 14:13

Sangadinna iake la untoratukomi tau, iari tu to kalala’ tambai sia to sala’ dadi, sia to sondo’ sia to buta.

LUKAS 14:20

Nakua pole’omi tu senga’na: Mane mangkana’ mendapo’, iamoto dadi tae’ kula mati’.

LUKAS 14:22

Ma’kadami tu kaunan nakua: O Puang, dadimo susitu mipokada, apa denpa tu inan lo’bang.

LUKAS 14:24

belanna kukua lako kalemi: mintu’na tu to mangkamo ditambai dolo tae’ la ullepa’i te apa lan pa’maruasangku.

LUKAS 24:47

nadipalele sola sanganNa tu kamengkatobaran umpasae kadipa’deian kasalan lako mintu’ issinna lino nasambo langi’ narande tana, randuk dio mai Yerusalem.

LUKAS 9:10

Iatonna sule nasangmo tu rasulu’, nauleleammi lako Yesu tu mintu’na mangkanna napogau’ sola nasangi. Nasarakki misami Yesu tu rasulu’, Nasolanni lako tondok disanga Betsaida.

YOHANES 9:39

Nakuami Yesu: Iatu kasaeangKu tama te lino, belanna diona kapangukungan, kumua anna pakita tu to tang pakita, sia buta tu to pakita.

IBRANI 13:17

Mengkaolakomi lako panglalanmi sia turu’i; belanna tau iato mai ungkaritutui deatammi, apa iamo la umpebalii, kumua anna parannu ungkarangi tu pentoean, tangia la sumarroi; belanna iatu susinnato tae’ bua’na lako kalemi.

IBRANI 2:3

umbara la takua tilendok, ke tae’i takatappa’i tu kasalamaran pada kapuanato, tu tipamulanna Napa’peissanan Puang, anna pakanassai mintu’ to mangka urrangii lako kita;

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

KADA OMBO’ LAKO RASULU’ YOHANES 19:15

Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.

1 SAMUEL 25:12

Ta’pa tibalikmi tu taunna Daud anna sule umpokadanni Daud tu mintu’ apa dadi.