LUKAS 14:13 - Sura' Madatu

¹³ Sangadinna iake la untoratukomi tau, iari tu to kalala’ tambai sia to sala’ dadi, sia to sondo’ sia to buta.

LUKAS 14:13 ပူးပေါင်းရင်းမြစ်များ

2 SAMUEL 6:19

Nataaimi tu mintu’ tau, iamotu mintu’ kasirampunanna to Israel, la muane la baine, pantanni roti, sisangbatu sia duku’ sisangira’ sia deppa bua anggoro’ simisa’, anna pantan sule tu tau iato mai lako banuanna.

2 OSSORANNA DATU 30:24

Belanna iatu Hizkia, datu Yehuda, umpa’kamasean sapi laki sangsa’bu na domba sola bembe’ pitungsa’bu lako kombongan; na iatu mintu’ pangulu umpa’kamasean sapi laki sangsa’bu na domba sola bembe’ sangpulo sa’bunna lako kombongan. Buda dukami to minaa umpamasero kalena.

NEHEMIA 8:10

Ma’kadami tu Nehemia, iamotu to maraa, sola Ezra, tu to minaa na pandita sura’ sola mintu’ to Lewi, tu unnada’i bangsana, nakua: Maindan te allo iate lako PUANG, Kapenombammi; iamoto da namasussa tu penaammi sia da mitumangi’. Belanna tumangi’ tu mintu’ bangsa iato, tonna rangii tu kada Sukaran aluk.

NEHEMIA 8:12

Napakatana dukami to Lewi tu penaanna mintu’ bangsa iato, nama’kada nakua: Rapa’mokomi, belanna maindan te allo iate, da’mo namasussa tu penaammi.

AYUB 29:13

nasa’buranna’ pa’palakunna to sidi’mora namandasa, kumua angku dipamasakke sia iatu penaanna baine balu kupopela’tek-la’tek;

SARAMBU PEADA’ 14:31

Minda-minda tu umpakario-rio to bongko, iamo umpamatuna Totumampana apa minda-minda ungkamasei tu to mase-mase, iamo umpakala’bi’ Puang.

SARAMBU PEADA’ 22:9

Iatu to masokan pentirona, la dipamasakke, belanna umpa’kamasean kandena lako to kalala’.

YESAYA 58:10

ke mubenni to tangdia’ tu apa muporai, sia mupedia’i tu to kapu’duran, iake mupogau’i to, la parrang tu maseromu lan malillinna sia iatu kamalillinammu membali masiang.

YESAYA 58:7

Tangiaraka te tu puasa Kuporai kumua: la untaa-taako kandemu lako to tangdia’ sia umpopa’bongi to salamba salao mase-mase lan banuammu, iake untiroko misa’ to tang ma’tamangkale, la mupakei sia tae’ ammu la umpembunianni tu mai sangrara sangbu- kummu?

MATIUS 15:30

Budami tu tau sae lako Kalena umbaa to kupi’ sia to kope limanna sia to buta sia to mamang, sia buda to senga’ natarru’ umpatorroi diong to’ lentekNa Yesu. Napamalekemi tu tau, naurunganni mangnga bangmi

MATIUS 22:10

Sunmi tinde kaunan dio lu to’ batatta, narampunni tu mintu’nato nasitammuan, nala to bulituk nala to malolo. Naponnoimi to unno’ko’ kumande tu inan pa’maruasan rampanan kapa’.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

LUKAS 14:12

Sia Nakua Yesu lako tu to untambai: Iake umpogau’komi pa’maruasan ba’tu allona ba’tu bonginna, da mitambai tu mintu’ sangmanemi, ba’tu siulu’mi, ba’tu sangdadiammi, ba’tu sangtondokmi tu sugi’na, kumua natambaiokomi napabala’i lako kalemi.

LUKAS 14:14

Dadi la salama’komi, belanna iatu tau iato tae’ nabelai umpabala’i lako kalemi, sangadinna la dipabala’i lako kalemi ke dipatuoi sule tu mintu’ to ma’bulo sanglampa.

LUKAS 14:21

Nasusito sule bangmi tinde kaunan lako puangna umpokadanni tu mintu’nato. Sengkemi tu ampu banua, nakua lako kaunanna: Maleko madomi’ lan lu tondok, mubaai dio mai tu mintu’ to kalala’ sia to sala’ dadi, sia to buta sia to sondo’.

PENGGAURANNA RASULU’ 9:39

Ke’de’mi tu Petrus namale sola. Iatonna rampo nasolammi tau tama bilik tiangka’ langnganna. Mintu’na baine balu sae ke’de’ umpentirondongi, natumangi’ sia napa’pekitanan tu mai bayu sia dodo nagaragai Dorkas tonna sisolapa.

PA’TOLE 14:29

Attu iato la sae tu to Lewi, belanna tae’ apa mipoapa sia mipotaa mana’ sola sia iatu to sae sia pia biung sia baine balu, to torro lan babangan kotamu, la kumande sadia’na – anNa pamasakkeko PUANG, Kapenombammu, lan mintu’ pengkarangan, tu mukarang.

PA’TOLE 16:11

La parannu-rannuko dio oloNa PUANG, Kapenombammu, iko sola tu mai anakmu muane sia iatu mai anakmu baine, kaunanmu muane sia ia tu mai kaunanmu baine, sola to Lewi, tu torro lan babangan kotamu, sia to sae, sia pia biung sia baine balu, tu misisolan, dio inan tu la Napilei PUANG, Kapenombammu, la Napannii sanganNa dio.

PA’TOLE 16:14

La parannu-rannuko dio pa’maruasammu, iko sola tu mai anakmu muane sia iatu mai anakmu baine, kaunanmu muane sia kaunanmu baine sia to Lewi, to sae, pia biung sia baine balu, tu torro lan babangan kotamu.

1 TIMOTIUS 3:2

Iamoto sipatu la tae’ sayuanna tu to ma’panundu’ sia la misa’ dukari bainena, to umpama’tan penaanna, kinaa, massipa’, ungkarimmanni to lendu’, naissan unnadai’ tau,

1 TIMOTIUS 5:10

sia iatu kaleleanna diona penggauran melo, belanna ungkaritutui anakna, sia ungkarimmanni to lendu’, sia umbasei lentekna to massallo’, sia untundui to narua sussa, sia umpengkullei mintu’ penggauran melo.

TITUS 1:8

sangadinna to ungkarimmanni to lempang, umporai kameloan, kinaa, malambu’, masallo’, untaloi kalena,

FILEMON 1:7

Belanna lendu’ parannungku sia masannang penaangku tu diona pa’kaboro’mu, belanna mupakatana tu penaanna to masallo’, e siulu’.

IBRANI 13:2

Da ammi masorro umpatoratu to sae, belanna dionamora penggauran susito, anna denmo tau umpatoratumo malaeka’, apa tae’ naissanni.