LUKAS 14:12 - Sura' Madatu

¹² Sia Nakua Yesu lako tu to untambai: Iake umpogau’komi pa’maruasan ba’tu allona ba’tu bonginna, da mitambai tu mintu’ sangmanemi, ba’tu siulu’mi, ba’tu sangdadiammi, ba’tu sangtondokmi tu sugi’na, kumua natambaiokomi napabala’i lako kalemi.

LUKAS 14:12 ပူးပေါင်းရင်းမြစ်များ

SARAMBU PEADA’ 14:20

Iatu tobongko moi padanna rupa tau ungkagi’gi’ dukai, apa iatu tosugi’ buda ia sangmanena.

SARAMBU PEADA’ 22:16

Minda-minda umpandasa tobongko, umpamaupa’ tobongko; naminda-minda umben apa tosugi’, umpakalala’ tosugi’.

MATIUS 5:46

Belanna iake unnala masekomi to ungkamaseikomi, apara poleanna lako kalemi? Tang napogau’ dukaraka passima susi to?

LUKAS 1:53

Iatu to tangdia’ Napedia’i ianan, na iatu to sugi’ Nasua sule lo’bang.

LUKAS 1:58

Mintu’na to sikandappi’na tiku lao sia mintu’na sangdadianna urrangii, kumua Napakapuamo Puang Matua tu kamamaseanNa lako, dadi menturu’ duka tu tau parannu penaanna.

LUKAS 14:11

Belanna minda-minda umpamadoan kalena, iamo la dipamadiongan, na minda-minda umpamadiongan kalena, iamo la dipamadoan.

LUKAS 14:13

Sangadinna iake la untoratukomi tau, iari tu to kalala’ tambai sia to sala’ dadi, sia to sondo’ sia to buta.

2 KORINTUS 6:13

Totemo la sisonda-sondaki’ – butungna’ to umpa’kadai anakku te kumua: la tibungka’ duka tu penaammi.