LUKAS 13:27 - Sura' Madatu

²⁷ Apa la ma’kada lako kalemi kumua: Tae’ Aku kutandaikomi, lu umbarokomi nii sae? Pallaikomi dio mai Kaleku, e mintu’ to ma’gau’ kadake.

LUKAS 13:27 ပူးပေါင်းရင်းမြစ်များ

PA’PUDIAN 1:6

Belanna Natandai PUANG tu lalanna to malambu’, apa iatu lalanna to tang mekaaluk ma’palulako kasanggangan.

PA’PUDIAN 101:8

Melambi’oi la kusabu’ioi tu mintu’ to tang mekaaluk lan padang iate, angku roto’i lan mai kotaNa PUANG tu mintu’ to umpogau’ kakadakean.

PA’PUDIAN 119:115

MallaiKomi dio mai kaleku, e kamu to umpogau’ kakadakean, Angku kullei ungkaritutui pepasanna Kapenombangku.

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

PA’PUDIAN 28:3

Da Mipasiurakkina’ to tang mekaaluk, sia sola to umpogau’ kakadakean, tu umpokada mammi’ sola-solana, apa lan penaanna den tangnga’ kelok.

PA’PUDIAN 5:6

Iatu to matampo tae’ nabelai bendan dio oloMi sia Mikabiri’ tu mintu’ to umpogau’ kakelokan.

PA’PUDIAN 6:8

Malanmo tu matangku napobua’ karosso-inaan, sia tang tibida’ natumang mintu’ ualingku.

HOSEA 9:12

Moi umpelobo’i pia muane tu tau iato mai, la Kupasisayuran, naurunganni moi misa’ tau tae’mo torro. Manassa upu’ allona tu tau iato mai, ke untoyangammo’ Kaleku dio mai.

MATIUS 25:12

Apa mebali nakua: Tonganna tongan kukua mati’: tae’ aku kutandai- komi.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

LUKAS 13:25

Iamoto ke ke’de’mi tu ampu banua nasalli’i tu ba’ba, ammi randukmo bendan bang dio salian undedek ba’ba, mikua: O Puang, bungkarangkan kami, anNa mebalimo Nakua: Tae’ Aku kutandaikomi, lu umbarokomi nii sae?

1 KORINTUS 8:3

Apa iake denni tau ungkamali’ Puang Matua, iamo Natandai Puang Matua.

GALATIA 4:9

Apa totemo, tu untandaimokomi Puang Matua, ontongpi Natandaimokomi Puang Matua, umba nakua ammi balik pole’o lako tu aluk lino dolo, tu langga’na sia kalala’na, naurunganni la umpopengkaola pole’omokomi kalemi lako?

2 TIMOTIUS 2:19

Apa moi susito tae’ namatumba len, belanna iatu parandangan matoto’Na Puang Matua bintin, na iatu pearra’na, kumua: Natandai Ia Puang Matua tu taunNa; sia nakuapa: Minda-minda tu ussa’bu’ sanganNa Puang, la umboko’i kakelokan.