LUKAS 13:24 - Sura' Madatu

²⁴ Parukui tu kalemi unnola ba’ba sukku’, belanna Kukua lako kalemi: Buda tau undaka’ lalan la morai tama, apa pangkun.

LUKAS 13:24 ပူးပေါင်းရင်းမြစ်များ

SARAMBU PEADA’ 14:6

Iatu to patelle-telle undaka’ kakinaan, apa tae’ nakabu’tui, apa iatu to unnampui tangnga’ kinaa, tang masussa unnappa’ kapaissanan.

SARAMBU PEADA’ 21:25

Iatu kamailuanna to tukkunan umbaai lako kamatean, belanna iatu limanna magasa mengkarang.

TOMANGADA’ 10:15

Iatu kamara’takanna tobaga umpamata’ka’ tonganni, belanna tae’ natandai tu lalan ma’palutama kota.

YESAYA 1:15

Iammi umpatado pala’ mabusammi, la Kupasalaikomi mata; moi umpamakambankomi passambayangmi, tae’ duka angKu la umperangii; belanna limammi umpentombang rara.

YEHEZKIEL 33:31

Rampomi tu tau iato mai mati’ kalemu ma’lole’-lole’, anna unno’ko’ dio tingayomu susito kombongangKu sia naperangi tu kadammu, apa tae’ naturu’i; kada kaboro’ lan sadangna, apa iatu penaanna umparinaa-naa bang saro bu’tu kadake.

MATIUS 11:12

Tempon dio mai tonna Yohanes Pa’dio’ sae lako totemo masarrang kumarorak tu Parenta Suruga sia narabak to unnea parrangi.

LUKAS 13:23

Denmi misa’ tau ungkutanai, nakua: O Puang, inang sidi’raka tu to makarimman? Nakuami Yesu lako:

LUKAS 21:36

Iamoto ma’penandakomi sia tontongkomi massambayang, sangapaoi ammi ma’din lessu’ dio mai mintu’na te tu la dadi undinna sia ammi mennolo lako Anak rampan dilino.

YOHANES 13:33

E anakKu, sattu’mora la Kunii ussisolangkomi, ammi daka’Na’, sia susitu mangkanna Kupokada lako to Yahudi kumua: Iatu Kuninna male, tae’ mibelai ullambi’i, susi dukamoto Kupokada lako kalemi totemo.

YOHANES 5:4

Belanna den sipissan-pissan namengkalao malaeka’ rokko limbong iato nase’go’i tu uainna; minda-minda tu bunga’na mengkalao rokko tu limbong, ke mangkai tise’go’ tu uai, maleke moi nasaki apa unnalai.

YOHANES 6:27

Da mira’ta’i kalemi undaka’i tu kande tang marendeng, sangadinna iari tu kande marendeng, tu la Nabenkomi tu Anak rampan dilino; belanna Iamotu mangka Napamanassa Puang Matua Ambe’.

YOHANES 7:34

Ammi daka’Na’, natae’ mikabu’tuiNa’, sia iatu Kuninna tae’ mibelai la ullambi’i.

YOHANES 8:21

Nakua pole’omi Yesu lako tau iato mai: Aku te la maleNa’, sia la midaka’Na’, sia la mate situangkomi kasalammi, apa iatu inan la Kunii male, tae’ mibelai ullambi’i.

ROMA 10:3

Tu belanna tang ussanga kamaloloanNa Puang Matua, sia belanna la morai umpabendan kamaloloanna kalena, tae’ namengkaola lako kamaloloanNa Puang Matua.

KOLOSE 1:29

Iamora kupomara’ta’ tu iannato, sia kupengkullei tongan, sitinaya kuasanNa, tu mawatang kedo lan kaleku.

IBRANI 4:11

Iamoto tapengkullei tama kapelayoan iato, da taden misa’ tobang, susi to a’gan kabattukanna.

YOSUA 7:3

Sulemi tu tau iato lako Yosua anna ma’kada lako, nakua: Da namale nasang te mintu’ tau lako, sangadinna agi-agi bangmo duangsa’bu ba’tu tallungsa’bu tau male untalo Ai; da nadita’ka’i tu mintu’ tau male lumingka lako, belanna iatu to dio sidi’ri.

2 PETRUS 1:10

Iamoto e sangsiulurangku, la mandu mipengkullei umpamatoto’i tu kaditambaiammi sia kaditonnorammi; belanna iake mipogau’i susito, inang tae’ mila tilende’ len.