LUKAS 13:19 - Sura' Madatu

¹⁹ Susito lise’ sawi sanglise’, naala tau, natananni lan pa’lakna, natuo namendadi misa’ kayu kapua, anna nii manuk-manuk messerang tu mai tangkena.

LUKAS 13:19 ပူးပေါင်းရင်းမြစ်များ

PA’TENDENG BALLO 4:12

Iatu iko sangtinti pa’lak tu dibala tiku lao, e adingku, e dodo’ sangkalamma’ku, butung to kalimbuang dirompo, sia mata uai digonting sia dica’.

PA’TENDENG BALLO 4:16

– Ke’de’ko, e angin ma’paludaa mai, maiko e angin ma’palulo’ mai, mangiri’ko lan pa’lak bungangku, anna tipamaen-maen tu busarungngu’na mintu’ pebangki’na! La tama pa’lak bunganna tu andi’ pa’kaboro’ku, anna kandei tu mai bua-bua maelona.

PA’TENDENG BALLO 6:2

– Iatu muane pa’kaboro’ku mengkalaomo rokko pa’lak bunganna, rokko to’ bedeng oto’ pebangki’, la naposende tu pa’lak bunga sia la unnala danga-danga.

PA’TENDENG BALLO 8:13

– E iko tu untorroi pa’lak bunga iatu mintu’ sangmane la umperangii gamarammu, pa’perangiammi to lako kaleku.

YESAYA 53:1

Mindamora umpatonganni tu mangkannamo kirangi, sia mindamora dinii umpaombo’i tu takia’Na PUANG?

YESAYA 53:10

Apa nakalo’ penaanNa PUANG la ussanggangi sia umpa’dikki. Iake mangkami ussorong sunga’na diposuru’ pangakuan sala, la untiromo bati’ sia malambe’ sunga’na, anna lalo mana’pa tu pa’poraianNa PUANG tete dio limanna.

YESAYA 58:11

Sia PUANG tontong la urrendenko sia Napedia’i tu kalemu, moi ammu dio lu padang rangke sia la Napamawatang tu mai bukummu, ammu susito pa’lak disakka’i sia susito kalimbuang tang ma’ti.

YESAYA 61:11

Belanna susito padang umpatuo tanananna sia ten to pa’lak umpopentaruk apa diambo’ lan, ten dukamoto tu Puangta PUANG la umpabutu’ kamaloloan sia kapa’pudian dio olona mintu’ bangsa.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

YEREMIA 31:12

Iamoto anna sae tu tau iato mai unnarrak-arrak dao tanete Sion sia sangsaean sirampun lako pamengan melona PUANG, iamotu gandung sia uai anggoro’ ba’ru sia minna’ sia anak domba sia anak sapi; iatu penaanna tau iato mai susito pa’lak disakka’i, tae’mo nala kapu’duran len.

YEHEZKIEL 31:6

Iatu takke’-takke’na nanii messerang mintu’ manuk-manuk dao lu langi’, sia diong to’tangkena nanii kianak tu mintu’ olo’-olo’ dao kapadanganna, sia diong karionganna nanii mentiongan mintu’ bangsa kapua.

DANIEL 4:12

Iatu daunna maballo sia tarri’ tu buanna, iamoto napokandei mintu’ angge menono’; sia napentionganni mintu’ olo’-olo’ dao kapadanganna sia iatu tangkena napopembuyan mintu’ manuk-manuk dao lu langi’, sia mintu’ angge menaa umpokandei.

DANIEL 4:21

Iatu daunna maballo sia tarri’ tu buanna, iamoto napokande mintu’ angge menono’, sia napentionganni mintu’ olo’-olo’ dao kapadanganna sia iatu tangkena napopembuyan mintu’ manuk-manuk dao lu langi’.

ZAKHARIA 2:11

Allo iato buda bangsa la mengkara’pa lako PUANG sia dadi taungKu. Sia la torroNa’ lan lu tangngamu. Attu iato la mutandai, kumua mangkamo’ Nasua PUANGna mintu’ ma’dandan maritik lako kalemu.

MATIUS 17:20

Nakuami ungkuanni: Tu belanna mandalle’ pa’patonganmi. Apa tonganna Kukua mati’: iake denni kapatonganammi pada lise’ sawi, ammi kua lako te buntu: Tilengka’ko indete lako, manassa tilengka’; inang tae’ tu tang la dadi dio kalemi.

MARKUS 4:30

Nakuami: Umbara la takua unnalanni panganderan tu ParentaNa Puang Matua ba’tu pa’pasusian apara la tanii umpamanassai?

LUKAS 17:6

Nakuami Puang: Iake denni kapatonganammi moi pada lise’ sawi, ammi kua lako te kayu karato: Tilampi’ko, ammu tuo lan tasik, manassa la naturu’ tu kadammi.

PENGGAURANNA RASULU’ 2:41

Ma’popedio’mi tu mintu’ to untarimai tu kadanna; keranganmi bilanganna tonna allo iato agi-agi tallungsa’bu tau.

PENGGAURANNA RASULU’ 21:20

Iatonna rangii tau tu iannato, umpakala’bi’mi Puang Matua sia nakua lako Paulus: E siulu’, mutiromo, maka la pira ia sa’bu tu to Yahudi ma’patonganmo, apa tontong nasang bangpa parruk ungkaritutui Sukaran aluk.

PENGGAURANNA RASULU’ 4:4

Apa budamo tu tau urrangii tu kada iato ma’patongan; iatu muane agi-agi limangsa’bu.

ROMA 15:19

diona kamatotoranna tanda kalle-kallean sia tanda mangnga, tete dio kamatotoranNa Penaa Masallo’, naurunganni tempon dio mai Yerusalem sia tiku lao sae lako Ilirikum upu’mo kupa’peissanan tu Kareba-kaparannuan diona Kristus.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.