LUKAS 13:14 - Sura' Madatu

¹⁴ Sengkemi penaanna tu pangulu banua pa’kombongan, belanna umpamatana tau tu Yesu lan allo katorroan, iamoto namebali nakua lako to buda: Siannan allona tu la nanii tau sipatu mengkarang: iamoto allo iato la minii sae ammi dipamaleke, apa da ia ke allo katorroan.

LUKAS 13:14 ပူးပေါင်းရင်းမြစ်များ

KATASSURAN 20:9

annan allona la munii mengkarang sia ungkarangi tu mintu’ pengkarangammu;

KATASSURAN 23:12

Annan allona munii ungkarangi tu pengkarangammu, apa allo ma’pempitu sipatuko la torro, kumua anna iatu sapimmu sia keledaimmu ma’din melayo sia anna iatu anak pa’kurinammu baine sia ia duka tu to mempue la umpasule penaanna.

YEHEZKIEL 20:12

Sia Kuben duka tu mintu’ allo katorroangKu, dadi misa’ tanda lan alla’Ku na tau iato mai, anna issanni tau iato mai, kumua Akumo, PUANG, tu umpamaseroi.

YEHEZKIEL 34:21

Belanna miparussunni sa’demi sia palempengmi tu tang nabelanna sia mipaserokki tandukmi sae lako miula’ lako salian,

SURA’ KATOMINAAN 23:3

Annan allona la nanii tau mengkarang, apa allo ma’pempitu iamo sipatu allo katorroan madatu tongan, iamotu misa’ pa’kombongan masero; moi misa’ pengkarangan da mikarangi, belanna iamo misa’ allo katorroan dipamadatuan PUANG lan mintu’ inan minii torro.

MATIUS 12:2

Iatonna kitai to Farisi tu iannato, nakuami ungkuanNi: Tiromi, napogau’ bangmo anak gurumMi tu tang dipogau’na ke allo katorroan.

MARKUS 5:22

Saemi misa’ kapala banua pa’kombongan, disanga Yairus, tonna tiromi tu Yesu tukkumi malinguntu’ rokko to’ lentekNa,

LUKAS 6:11

Nakabu’-kabu’mi ara’na sola nasang sia sipa’kada-kada umpokadai tu la nagauran Yesu.

LUKAS 6:7

Iatu pandita Sura’ sola to Farisi napenniroi bang tu Yesu, kumua ba’tu la umpamalekei tau ke allo katorroan, na ia nanii unnala pellesean umpasalai.

LUKAS 8:41

Saemi misa’ tau disanga Yairus, iamo kapala banua pa’kombongan, tukku malinguntu’ rokko to’ lentekNa Yesu sia napalaku lako, kumua anNa sae dio to’ banuanna,

PENGGAURANNA RASULU’ 13:15

Iatonna mangkamo umbasanni tu sura’ Sukaran aluk sia sura’na nabi, mesuami tu mai pangulu banua pa’kombongan lako tinde tau sola duai umpokadai kumua: kamu te siulu’ki, iake denni tu kada la mipa’pakilalan lako te to buda, pokadami.

PENGGAURANNA RASULU’ 18:17

Nasila’ka’-la’ka’imi to buda tu Sostenes kapala banua pa’kombongan, nakambei dio tingo to’ pangra’tasan kara-kara. Apa napopa’elo’na bang Galio tu mintu’nato.

PENGGAURANNA RASULU’ 18:8

Umpatongammi Puang tu Krispus, kapala banua pa’kombongan sola mintu’ to lan banuanna, sia buda to Korintus urrangi Paulus ta’pa ma’patongan, nadidio’.

ROMA 10:2

Belanna aku ungkatottonganni kumua mangu’gu lu lako Puang Matua, apa tae’ nasisola kapaissanan.

PA’TOLE 5:13

Annan allona la munii mengkarang sia ungkarangi tu mintu’ pengkarangammu;