LUKAS 12:7 - Sura' Madatu

⁷ Namoi duka iatu mintu’ beluak dao ulummi Natoe nasang iaranna. Iamoto da mimataku’, belanna iatu kamu mandukomi losong na iatu dena’ buda.

LUKAS 12:7 ပူးပေါင်းရင်းမြစ်များ

2 SAMUEL 14:11

Nakuami tu baine iato: La mikilalai tu PUANG, Kapenombammi, da namandu liu ma’kasanggang tu to mangala puli sia da nasabu’i tau iato mai tu anakku. Ma’kadami datu nakua: La lelukraka tuoNa PUANG, moi sanglamba’ beluakna anakmu tae’ nala rondon rokko padang.

AYUB 35:11

tu mandu umpamanarangki’ na iatu olo’-olo’ dao kuli’na padang sia ungkamaseiki’ kakinaan losong na mintu’ manuk-manuk dao langi’?

PA’PUDIAN 8:6

Moi susito, Mipamadiongan sidi’ri tu a’ganna anna Kapenomban, sia Mimakotaimo kamala’biran sia kadipangkeran.

MATIUS 12:12

Apa pole’pi tu tau, tumbara ondongna mala’bi’na na iatu domba? Iamoto dadi ma’din duka umpogau’ kameloan ke allo katorroan.

MATIUS 6:26

Tiro-tiroi tu manuk-manuk dao langi’, tae’ namantanan len sia mepare, ba’tu urrampun kande langngan alang, anNa patuo dukai Ambe’mi dao suruga. Tae’raka milosong na iatu mintu’ manuk-manuk?

LUKAS 21:18

Apa moi sanglamba’ beluakmi tae’ nala matumba;

PENGGAURANNA RASULU’ 27:34

Iamoto kupalakui: kumandekomi, iari to tu la mipobatta’ lessu’ dio mai kasanggangan. Belanna tae’ sanglamba’ beluak la rondon dao mai ulunna misa’ duka tau te kamu sola nasang.

1 SAMUEL 14:45

Apa mebali tu to buda lako Saul, nakua: Ma’dinraka la dipatei tu Yonatan, tu umpadenmo kapataloan kapua dio lu to Israel? Toyang mambela iato! La lelukrika tuoNa PUANG, anna la rondonra tu beluakna sanglamba’ dao mai ulunna rokko padang. Belanna diona pa’tunduanNa Puang Matua anna pogau’i tu mintu’ apa iato lan allo iate. Susimoto tu kanarampananna mintu’ tau tu Yonatan, naurunganni tae’ nadadi dipatei.