LUKAS 12:37 - Sura' Madatu

³⁷ Maupa’ tu kaunan iato, ke sulei tu puangna, natae’ namamma’ nakarampoi. Manassa nakua kadangKu lako kalemi, ia kalena la ma’tambeke’, nasuai unno’ko’ kumande na ia sae umparakai.

LUKAS 12:37 ပူးပေါင်းရင်းမြစ်များ

YESAYA 62:5

Belanna susi pia muane lolle’ umpobaine anak dara, susi dukato la sirampeangko to ma’tondok sia susito misa’ muane la diparampo ungkasinnai baine la narampanni kapa’, ten dukamoto tu Kapenombammu la umpopaimanko.

YEREMIA 32:41

Sia la parannuNa’ diona tau iato mai sia la umpogau’Na’ melona lako sia la Kupatorro tontong lan tondok iate situang kaponnoan penaangKu sia deatangKu.

ZEFANYA 3:17

Iatu PUANG, Kapenombammu, lan lu tangnga’mu, iamotu to lalong mangrampanan. La parannu tu Puang umposendeko, la umpakappa kaleNa tete dio pa’kaboro’Na; la mela’tek sia unnarrak umpopaimanko.

MATIUS 24:42

Iamoto ma’penandakomi, belanna tae’ miisanni, umba allo nala sae tu Puangmi.

LUKAS 12:36

Sia la susikomi to untayan kasaeanna puangna, ke sulei dio mai pa’maruasan to ma’kapa’, kumua ianna sae natumbek ba’ba, tikarami umbungkaranni.

LUKAS 12:43

Maupa’ tu tau iato, ke saei puangna, nakarampoi umpogau’i susito.

LUKAS 17:8

Tae’raka ammi la ma’kada lako susite: Pasakka’mi tu apa la kukande, ma’kamandi’ko, ammu parakanna’ mai, kumangkapa kumande sia mangiru’, mumane kumande sia mangiru’.

LUKAS 21:36

Iamoto ma’penandakomi sia tontongkomi massambayang, sangapaoi ammi ma’din lessu’ dio mai mintu’na te tu la dadi undinna sia ammi mennolo lako Anak rampan dilino.

LUKAS 22:27

Belanna umbannara madaoan, iaraka tu unno’ko’na kumande, iaraka tu ma’parakana? Tang iaraku tu unno’ko’na kumande? Apa iate Aku te butungNa’ to ma’paraka.

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

1 KORINTUS 2:9

Sangadinna susitu disura’, nakua: Iatu apa tang nakitapa mata, sia tang narangipa talinga, sia tang saena lan penaanna tolino, iamoto tu Naparandananni Puang Matua tu to ungkamali’I.

FILIPI 1:21

Belanna iatu tuoku lu lako nasang Kristus, na kamatean tu kamauparangku.

FILIPI 1:23

nasisukunnina’ te da’dua: mamali’ penaangku la male angku torro sisola Kristus, belanna iamo ma’iringanna melona to;

2 PETRUS 1:11

Belanna susimoto ammi dibungkaran sea-sea lalan tama Parenta matontonganNa Yesu Kristus, Puangta sia To pakarimmananta.

2 PETRUS 3:14

Iamoto, e pa’kaboro’ku, tayanni tu mintu’nato sia pengkullei, ammi diapparan torro marampa’ tang attangan sia tang sayuan dio oloNa Puang, miurunganni marampa’.

KADA OMBO’ LAKO RASULU’ YOHANES 14:13

Kurangimi misa’ gamara dao mai langi’ ma’kada nakua: Sura’i susite: Rongko’ tu mintu’ to matemo, iamotu to mate lan Puang randuk totemo. Ondongpi, nakua tu Penaa, iatu tau iato mai la umpelayoan tarru’mo kamasussanna; belanna mintu’ penggauranna undi urrondongi.

KADA OMBO’ LAKO RASULU’ YOHANES 16:15

Kilalai, kumua la saeNa’ butung to boko; maupa’ tu to ma’penanda-nanda anna karitutui tu tamangkalena, dikua da anna ma’kambelang sia da napayan tu kasirisanna.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

KADA OMBO’ LAKO RASULU’ YOHANES 7:17

belanna Anak domba tu lan tangnga isungan kapayunganNa la ungkambi’i sia la urrambai lako mintu’ to’ mata uai katuoan; anNa Puang Matua umpa’dii mintu’ uai matanna tau iato mai.