LUKAS 12:33 - Sura' Madatu

³³ Balukanni tu apa dio kalemi, ammi pa’kamaseanni; garagangkomi poro’-poro’ tang malusa kalemi, ianan dao suruga tae’ napura, tang nalambi’na to boko, sia tang nabala’-bala’na busung.

LUKAS 12:33 ပူးပေါင်းရင်းမြစ်များ

SARAMBU PEADA’ 13:7

Den tu tau unna’ga tosugi’ kalena, na moi misa’ apa tae’ naampui; sia den duka tau unna’ga tobongko kalena, apa unnampui ianan buda.

HAGAI 1:6

Buda tu miambo’, apa ia tu mialanna sidi’ri; kumandekomi, apa tae’ midia’; mangiru’komi, apa tae’ nabossakomi, ma’pakeankomi, apa tae’ namalassu tu kalemi, sia minda-minda tu male sumaro, untarima sarona lan poro’-poro’ lo’po’.

MATIUS 19:21

Nakuami Yesu ungkuanni: Iake la moraiko tae’ sayuammu, malemoko, mubalukanni tu apa-apa dio kalemu, mupa’kamaseanni lako to kalala’, ammu ampui ianan dao suruga; ammu male mai undi urrundu’Na’.

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

LUKAS 12:21

Susimoto tu diona to umpakombongan ianan kalena, sia tae’ nasugi’ dio oloNa Puang Matua.

LUKAS 16:9

Kukua lako kalemi: Pakei massangmane tu ianan tang manassa, sangapaoi, ke nasalaikomi, la natarima siakomi lan banua tontong sae lakona.

LUKAS 18:22

Iatonna rangimi Yesu to, Nakuami: Misa’pa tu musala. Balukampi tu mintu’na apa-apammu, ammu taa-taai lako to mase-mase, ammu ampui ianan lan suruga, mumane male mai undi urrundu’Na’.

YOHANES 12:6

Ia sia nama’kada susito, tae’ kumua diona to mase-mase natiroan, sangadinna belanna to bokoan, sia ia untoei tu inan doi’, naala bangi tu mai doi’ dipatama.

PENGGAURANNA RASULU’ 2:45

Dennoi umbalukan iananna sia apanna sipapantanni sola nasang, pantan napapatui naben tu mai kakuranganna.

2 KORINTUS 8:2

Apa belanna moi sangtumbanna tu kamaparrisan kadisudianna, payan duka tu kabattaranna, anna iatu kaparannuan tang puranna sia kamakario-rioan masangna umpalempan kasugiran kamasokananna.