LUKAS 12:28 - Sura' Madatu

²⁸ Iake susito tu Puang Matua umbeloi tu riu dio lu padang, tu tuo siapa te allo iate, anna manikale’ dibuangmo tama api dapo’, ondong pissan tu kamu, e to tangkan ma’patongan!

LUKAS 12:28 ပူးပေါင်းရင်းမြစ်များ

YESAYA 40:6

Perangii, den tu gamara nakua: Metambako. Mebalimi, nakua: Apara la kupetamban? – Mintu’ to lino susi bangri to riu sia mintu’ kamala’biranna butung to bunga dio lu padang.

MATIUS 14:31

Tikarami tu Yesu ussorongan limanNa. Natoei sia Nakua ungkuanni: E to tangkan ma’patongan, ma’apai anna bata penaammu?

MATIUS 16:8

Iatonna issanmi Yesu tu diongna penaanna, Nakuami ungkuanni: E to tangkan ma’patongan, ma’apari ammi sipa’kada-kada misara, iaraka tu kataeranna roti dio kalemi?

MATIUS 17:17

Mebalimi tu Yesu Nakua: E bati’ to tang ma’patongan sia to leko’ penaanna, sangapaPa’ la ussisolangkomi? Sia sangapaPa’ la umpama’tanangkomi penaa? Solanni mai.

MATIUS 17:20

Nakuami ungkuanni: Tu belanna mandalle’ pa’patonganmi. Apa tonganna Kukua mati’: iake denni kapatonganammi pada lise’ sawi, ammi kua lako te buntu: Tilengka’ko indete lako, manassa tilengka’; inang tae’ tu tang la dadi dio kalemi.

MATIUS 6:30

Iake susito tu Puang Matua umbeloi tu riu dio lu padang, tu tuo siapa te allo iate, anna manikale’ dibuangmo tama api dapo’, ondong pissan tu kamu, e to tangkan ma’patongan?

MATIUS 8:26

Nakuami ungkuanni: Ma’apai ammi mataku’, e to tangkan ma’patongan? Mangkato milikmi, Nata’tanni tu angin sia bombang; rapa’ bangmi.

LUKAS 8:25

Nakuami lako: Umbara nanii tu kapatonganammi? Mangngami tinde tau sia mataku’ nakuami sipa’kada-kada: Mindaraka Ia te, anNa ussua angin sia uai, naturu’ tonganNi.

IBRANI 6:7

Belanna iatu padang, unnamma’ uai uran tu unta’pai nenne’i, anna pabu’tu burana tu den gai’na lako tau, tu napobannangna umposara’i, Napassakke duka Puang Matua.

1 PETRUS 1:24

Belanna: Mintu’ to lino butung riu, sia mintu’ kamala’biranna butung ta’bi riu; anna malayu tu riu sia rondon tu ta’binna;