LUKAS 12:24 - Sura' Madatu

²⁴ Tiro-tiroi tu diona kadoya, tae’ namantanan len sia mepare, sia tae’ duka naampui palipu’ ba’tu alang, apa Napatuo duka ia Puang Matua; nasangapa losongmi na iatu manuk-manuk!

LUKAS 12:24 ပူးပေါင်းရင်းမြစ်များ

AYUB 35:11

tu mandu umpamanarangki’ na iatu olo’-olo’ dao kuli’na padang sia ungkamaseiki’ kakinaan losong na mintu’ manuk-manuk dao langi’?

PA’PUDIAN 147:9

Sia To umbenni kande tu mai patuoan, sia lako mintu’ anak kaduaya ke ma’kaa’-kaa’i.

MATIUS 10:31

Tenmito, dadi da mimataku’: apa iate kamu te mandukomi losong na iatu dena’ buda.

MATIUS 3:12

Diomo Natoe tu barangNa; la Napemata’pii tu panglullu’Na, anNa rampunni tama pa’pannian tu malapu’na, apa iatu langkona la pura Naballa api tang pa’de-pa’de.

MATIUS 6:26

Tiro-tiroi tu manuk-manuk dao langi’, tae’ namantanan len sia mepare, ba’tu urrampun kande langngan alang, anNa patuo dukai Ambe’mi dao suruga. Tae’raka milosong na iatu mintu’ manuk-manuk?

MARKUS 6:26

Lendu’mi massena penaanna tu datu, apa belanna iamotu sumpana sia belanna iamotu to nasolan ma’talimbungan kumande, tae’mi namorai untumpui tu palakunna.

LUKAS 12:18

Nakuami: Indemo la kupogau’; la kurondonni nasang tu alangku, kupabendanni tu kapuanna pole, kunii umpalangan mintu’ bura padangku sia mintu’ iananku;

LUKAS 12:23

Belanna iatu penaa losong ia na iatu kande, sia iatu kale losong ia na iatu tamangkale.

LUKAS 12:7

Namoi duka iatu mintu’ beluak dao ulummi Natoe nasang iaranna. Iamoto da mimataku’, belanna iatu kamu mandukomi losong na iatu dena’ buda.