LUKAS 12:17 - Sura' Madatu

¹⁷ Ma’tangnga’mi lan penaanna, nakua: Umbara la kukua ma’tangnga’? belanna tae’ inan la kunii umpalangnganni tu mintu’ bura padangku.

LUKAS 12:17 ပူးပေါင်းရင်းမြစ်များ

TOMANGADA’ 11:2

Taa pitui, ondongpi taa karuai tu iannato belanna tae’ muissanni kamandasan apara la urrampoi te lino.

YESAYA 58:7

Tangiaraka te tu puasa Kuporai kumua: la untaa-taako kandemu lako to tangdia’ sia umpopa’bongi to salamba salao mase-mase lan banuammu, iake untiroko misa’ to tang ma’tamangkale, la mupakei sia tae’ ammu la umpembunianni tu mai sangrara sangbu- kummu?

MATIUS 16:7

Sipa’kada-kada kalenami, nakua: Ia sia Nama’kada susi to, belanna tae’ tabaa roti.

MATIUS 5:42

Benni tu to malaku lako kalemu, sia da mupa’taeranni tu to la morai mangindan mati’.

LUKAS 10:25

Ke’de’mi misa’ pandita Sukaran aluk la untoba Yesu, nakua: O Guru! apara sipatu la kupogau’, angku pomana’i tu katuoan sae lakona?

LUKAS 11:41

Apa pa’kamaseammi tu apa lanna lu, ke la tang masero nasangi mitiro.

LUKAS 12:16

Napokadammi misa’ pa’pasusian lako tu tau, Nakua: Den padangna misa’ to sugi’ buda tongan burana.

LUKAS 12:18

Nakuami: Indemo la kupogau’; la kurondonni nasang tu alangku, kupabendanni tu kapuanna pole, kunii umpalangan mintu’ bura padangku sia mintu’ iananku;

LUKAS 12:22

Nakuami Yesu lako anak gurunNa: Iamoto Kukua lako kalemi: da miposelangi tu katuoammi, to kumua apa tu la mikande, ba’tu diona kalemi kumua apara tu la mipake.

LUKAS 12:29

Iamoto da miposelangi tu la mikandena ba’tu la miiru’na sia da nasitaa penaammi;

LUKAS 12:33

Balukanni tu apa dio kalemi, ammi pa’kamaseanni; garagangkomi poro’-poro’ tang malusa kalemi, ianan dao suruga tae’ napura, tang nalambi’na to boko, sia tang nabala’-bala’na busung.

LUKAS 16:3

Iatonna iato ma’tangnga’mi tu to ma’kampa banua lan penaanna, nakua: La ma’apamora’, belanna la natassu’imo’ puangku lan mai te toeku? La mangkali-kalina’ natang kukulle, la male bangna’ kapalaku-laku na masiri’na’.

LUKAS 16:9

Kukua lako kalemi: Pakei massangmane tu ianan tang manassa, sangapaoi, ke nasalaikomi, la natarima siakomi lan banua tontong sae lakona.

LUKAS 18:22

Iatonna rangimi Yesu to, Nakuami: Misa’pa tu musala. Balukampi tu mintu’na apa-apammu, ammu taa-taai lako to mase-mase, ammu ampui ianan lan suruga, mumane male mai undi urrundu’Na’.

LUKAS 19:17

Nakuami tu puangna lako: Iamo melona to, e kaunan masokan, belanna kamarurusammu lan penggauran bitti’, dadi ma’dinmoko la umparenta sangpulo tondok.

LUKAS 3:11

Nakuami mebali lako: Minda tu unnampui bayu da’dua, benni misa’ tu tang unnampuinna bayu, sia iatu to ma’kinallo, la susi dukato.

PENGGAURANNA RASULU’ 16:30

Nasolammi lako salian tinde tau, nama’kada nakua: E tuang, apara tu sipatu la kupogau’ angku kabu’tui kamakarimmannan?

PENGGAURANNA RASULU’ 2:37

Iatonna rangii susito, tibaliangmi ara’na sola nasangi nama’kada lako Petrus sia iatu mai rasulu’ senga’, nakua: E kamu to kisangsiuluran, apara tu sipatu la kipogau’?

ROMA 12:13

Rokkoi tu kakuranganna to masallo’ sia matinuru’komi untoratu tau.

1 TIMOTIUS 6:17

Pakainga’i mintu’ to sugi’ lan te lino, kumua da anna pamadao penaanna, sia da narannuanni tu kasugiran tae’ natontong, sangadinna langnganri Puang Matua, tu umpalempan mintu’ apa Napa’kamasean lako kaleta, taangkaran parannui.

1 YOHANES 3:16

Nasusite tatandaimo tu pa’kaboro’, belanna mangkamo Kristus ussorong sunga’Na, diona kita; sipato’ dukamoki’ ussorong sunga’ta belanna sangsiuluran.