LUKAS 11:48 - Sura' Madatu

⁴⁸ Susimoto, misa’bii, kumua miporai tu pa’pogau’na nene’ to dolomi, belanna ia umpatei na kamu unggaragai lamunanna.

LUKAS 11:48 ပူးပေါင်းရင်းမြစ်များ

2 OSSORANNA DATU 36:16

Apa natelle-telleora tau iato mai tu mintu’ pesuanNa Puang Matua sia nabelle’i tu kadanNa sia nabe’se tu nabinNa, naurungan sakendek-kendekna tu kare’dekan ara’Na PUANG, sae lako tae’mo nama’din dipamatana.

AYUB 15:6

Lilamu kalena umpasalako, tangia aku; ondongpi pudukmu kalena ussa’biiko, kumua salako.

PA’PUDIAN 64:8

Apa Natinaranni Puang Matua tu tau iato mai, anNa ta’pa umbangkei.

YEHEZKIEL 18:19

Apa mikua: Ma’apai anna tae’ natanggungi anakna tu kakadakeanna ambe’na? Tonganna iatu anak iato umpogau’i tu salunna sia kamaloloan, nakaritutui tu mintu’ apa Kupondok sia naturu’; manassa la tuo.

MATIUS 23:27

Upu’ allomi, e pandita Sura’ sia to Farisi, to belo puduk! Belanna butungkomi kaburu’ disapu’ kapu’; moi me’lok tu salianna ditiro, apa lanna lu ponno buku to mate sia anggenna maruttakna.

MATIUS 23:31

Susimoto, kamu kalena ussa’bii kalemi, kumua kamumo tarukna tu to umpatei nabi-nabi.

LUKAS 11:47

Upu’ allomi, belanna kamu unggaragai lamunanna mintu’ nabi, anna nene’ to dolomi kalena mangka umpatei to.

LUKAS 11:49

Iamoto nakua pole’ kada kinaanNa Puang Matua: La ussuaNa’ nabi sia rasulu’ lako tau iato, anna patei pira sia naula’ pira;

ROMA 1:32

Moi natandai tu atoran Nalampak Puang Matua, kumua iatu to umpogau’i susito sipatu la mate, apa tae’ napogau’ mannai susito, sangadinna nasarrang pole’pa tu to umpogau’i.

YAKOBUS 5:10

E sangsiulurangku, alami sangka’ tu kauntanggunganna kamasussan sia kama’tanan penaanna mintu’ nabi tu mangka ma’kada tete dio sanganNa Puang.

YOSUA 24:22

Ma’kadami tu Yosua lako bangsa iato, nakua: Susitu kamu kalena ussa’bii kalemi, kumua PUANGmo tu mipilei la mipengkaolai. Mebalimi tu tau iato mai, nakua: Kamimo tu ussa’bii.