LUKAS 11:35 - Sura' Madatu

³⁵ Iamoto kanana’i tonganni, da namalillin tu maserona lanmu lu.

LUKAS 11:35 ပူးပေါင်းရင်းမြစ်များ

SARAMBU PEADA’ 16:25

Den tu lalan malolo nasanga tau, apa katampakanna mebaa lako kamatean.

SARAMBU PEADA’ 26:12

Iake mutiroi tu misa’ to ussanga kalena tokinaa, manassa iatu tobaga mandu dirannuan na iatu tau iato.

MATIUS 6:22

Iatu mata, palitanna kale; iamoto, ianna masero tu matammu, tae’ natang masero tu mintu’ kalemu.

LUKAS 11:34

Iatu palitanna kalemu, iamotu matammu. Iamoto iake maseroi tu matammu, tae’ natang masero duka tu mintu’ kalemu, apa iake kadakei, malillin duka tu kalemu.

LUKAS 11:36

Dadi iake mintu’i kalemu masero, natae’ bangmo sangmata malillin, manassa la masero nasang: susi ke naarrangko dukkunna palita.

ROMA 1:22

Kaussanganna kalena kinaa anna ia todamo napobaga,

2 PETRUS 1:9

Belanna iatu to tae’ nadio nasang kalena tu iannate, tau iato buta sia maraun, apa tang nakilalaimo tu kadiseroianna dio mai kasalan masainna.

2 PETRUS 2:18

Belanna umpokada matampo kada tang kebattuan, anna daai pa’poraian pa’kalean sia tang penggauran tu to mane tilendok dio mai to unnolai lalan pusa.

KADA OMBO’ LAKO RASULU’ YOHANES 3:17

Belanna mukua: Sugi’na’ sia unnappa’ kasugiran, na moi misa’ tae’mo pu’du’ dio kaleku, apa tae’ mutandai, kumua ikomo mandasana sia tang tiroan tau sia bongko sia buta sia ma’kambelang,