LUKAS 11:31 - Sura' Madatu

³¹ Iatu datu baine lo’ mai pollo’na uai la ke’de’ ke allo kadiparessan sisola te tau totemo te anna pasalai. Belanna iamo sae lo’ mai engkokna padang umperangii kakinaanna Salomo anna tiromi, inde Ia tu ondongna na Salomo.

LUKAS 11:31 ပူးပေါင်းရင်းမြစ်များ

2 OSSORANNA DATU 9:1

Narangimi datu baine dio mai Syeba tu kareba diona Salomo. Pakalan saemi dio Yerusalem la umpeponto bannangi tu Salomo, naturu’ baanan makamban sia ba’tu pira-pira unta unteke’ pebangki’ sia bulaan lendu’ ia budanna sia ma’rupa-rupa parimata ballo. Rampomi lako Salomo, anna pokadai lako tu mintu’ apa lan penaanna.

YESAYA 54:17

Mintu’ tu pa’buno digaraga la unneako, tae’ anna la lolo’ sia mintu’ lila unneako lan inan pa’paolaian salu, la musau’. Iamote tu taa mana’na mintu’ taunNa PUANG, sia patu borongna tau iato mai tu lu dio mai Kaleku, kadanNa PUANG.

YEREMIA 3:11

Iamoto Nama’kada PUANG lako kaleku Nakua: Iatu Israel, to sorong boko’ umpatandan kalena kumua malambu’ na iatu Yehuda, to tang maruru’.

MATIUS 12:42

Iatu datu baine lo’ mai pollo’na uai la ke’de’ ke allo kadiparessan sisola tau totemo te anna pasalai, belanna iatu datu iato ke’de’ lo’ mai engkokna padang la umperangii kakinaanna Salomo; anna tiromi: inde Ia tu ondongna na Salomo.

LUKAS 3:22

Pakalan Nasonglo’ tu Penaa Masallo’ dao mai langi’ lako Kalena mempaan susi bu’ku’; anna sae tu gamara dao mai langi’ ma’kada kumua: Kamumo Anak Pa’kaboro’Ku; dio dukamo Kalemi nanii kasendeangKu.

LUKAS 9:35

Narangimi tu gamara lan mai gaun, nakua: Manassa Iamo Anak Kutonno’ te, perangii.

ROMA 2:27

Sia iatu to inang tang disunna’, apa ungkaritutui Sukaran aluk, tae’raka nala umpasalako tu to untengkai bang Sukaran aluk, moi muampui sura’ sia disunna’.

IBRANI 11:7

Bannang dio dukamora kapatonganan na iatu Nuh, tonna mangkamo Puang Matua umpokadanni tu diona apa tang dikitapa, ungkasiri’mi Puang Matua napasakka’i tu lembang iato la umpamakarimman mintu’ to lan banuanna; tete dio kapatongananna napasalai tu mintu’ issinna lino, anna pomana’ kamaloloan tu situru’ kapatonganan iato.