LUKAS 11:28 - Sura' Madatu

²⁸ Apa Nakua Yesu: Ia ria maupa’ tongan tu mintu’nato umperangii kadanNa Puang Matua sia ungkaritutuinnai.

LUKAS 11:28 ပူးပေါင်းရင်းမြစ်များ

PA’PUDIAN 112:1

Haleluya! Maupa’ tu to ungkataku’ PUANG, sia to ungkamali’ tonganni tu pepasanNa.

PA’PUDIAN 128:1

Nanian Hamaa’lot. Maupa’ tu mai to ungkataku’ PUANG. Sia to unturu’i tu mintu’ lalanNa.

SARAMBU PEADA’ 19:16

Minda-minda umpalan penaai tu pepasan iamo ungkarimmanni katuoanna, apa minda-minda tang ungkanandai penggauranna, manassa la mate.

SARAMBU PEADA’ 8:32

Iamote, e mintu’ anakku, perangiina’, belanna la maupa’ tu to ungkaritutui lalanku.

LUKAS 8:21

Apa Nakua mebali: Iari indo’Ku sia siulu’Ku, tu umperanginna kadanNa Puang Matua naturu’i.

YOHANES 13:17

Iake mitandai tu mintu’nate, maupa’komi, ke mipogau’i.

KADA OMBO’ LAKO RASULU’ YOHANES 1:3

Maupa’ tu mintu’ to umbasai sia mintu’ to urrangii kada nubua’ iate, sia umpalan penaai tu mintu’ apa disura’ lan, belanna mandappi’mo tu attunna.

KADA OMBO’ LAKO RASULU’ YOHANES 22:14

Maupa’ tu mintu’ to umbusukki bayu lamba’na, naurunganni den katongananna unnappa’i tu kayu katuoan iato, sia mentama tondok iato unnola babangan.