LUKAS 10:41 - Sura' Madatu

⁴¹ Mebalimi Yesu lako, Nakua: E Marta, Marta, masussa bangko iko sia buda tu nakita penaammu.

LUKAS 10:41 ပူးပေါင်းရင်းမြစ်များ

TOMANGADA’ 6:11

Moi anna buda tu kada dipokada narangnganni bang tu apa tae’ gai’na. Apara napomaupa’ tolino tu iannato?

MARKUS 4:19

anna tama penaanna tu mintu’ sara’ lan te lino sola pea’panna kasugiran sia kamoraian lako ma’rupa-rupa apa senga’ anna taloi tu kada iato, naurunganni tang membua.

LUKAS 10:38

Iatonna malemo, tamami misa’ tondok tu Yesu; saemi baine misa’ disanga Marta untammui, nasolanni lako banuanna.

LUKAS 10:40

Apa iatu Marta buda pengkaranganna umposarasanNi kande, saemi urreke’I sattu’, nakua: O Puang! Mipopa’elo’naraka tu siulu’ku umpopengkarang misana’? Suai ia natunduina’.

LUKAS 12:22

Nakuami Yesu lako anak gurunNa: Iamoto Kukua lako kalemi: da miposelangi tu katuoammi, to kumua apa tu la mikande, ba’tu diona kalemi kumua apara tu la mipake.

LUKAS 21:34

Kanandai tonganni, da namalilu tu penaammi napobua’ kamasalung-salungan sia kamalangoan sia umpengkaolai katuoan lan te lino, naurunganni tae’ bang nadikapang-kapang naalamokomi to allo iato susi misa’ poya.

LUKAS 8:14

Na iatu rondonna tama to’ tangnga duri, iamotu tau umperangii na samasai-sainna sanatalo-taloinna kamasarasan na kasugiran na kaparannuan lan te lino, dadi tae’ namembua tongan.

YOHANES 11:1

Denmi misa’ to masaki disanga Lazarus to Betania, dio mai tondokna Maria sola sangbainena, disanga Marta.

YOHANES 11:5

Iatu Marta sia sangbainena na iatu Lazarus Napakaboro’ Yesu.

YOHANES 12:2

Natoratumi dio tu Yesu, na Marta ma’parakai; iatu Lazarus iamo misa’ Nasolan Yesu unno’ko’ kumande.

FILIPI 4:6

Da mikaselanganni tu diona apa-apa, sangadinna lan mintu’-mintu’na la miparampo nasang tu lanna penaammi langngan Puang Matua lan kapassambayangan sia pangando situru’ pa’kurre sumanga’.