LUKAS 10:28 - Sura' Madatu

²⁸ Nakuami Yesu lako: Tonganna tu pebalimmi. Pogau’mi susito ammi tuo.

LUKAS 10:28 ပူးပေါင်းရင်းမြစ်များ

NEHEMIA 9:29

Miada’i tu tau iato mai la umpasulei lako sukaran alukMi, apa matampo, manoka umperangii tu pepasanMi sia untengkai atoramMi. Iake naturu’i tau la napotuo. Apa napopenggega’ tu palempengna tau iato mai sia napabattuk tu penaanna sia manoka ma’perangi.

SARAMBU PEADA’ 19:16

Minda-minda umpalan penaai tu pepasan iamo ungkarimmanni katuoanna, apa minda-minda tang ungkanandai penggauranna, manassa la mate.

YEHEZKIEL 20:11

Kubenni tu apa Kupondok sia Kupa’peissanan lako tau iato mai tu atorangKu, tu napotuo tau, ke naturu’i.

YEHEZKIEL 20:13

Apa pabali-bali tu to Israel lako Kaleku lan padang pangallaran; tae’ naturu’i tu apa Kupondok sia natibe tu atorangKu, tu napotuo tau, ke naturu’i. Napamatuna liu tu allo katorroangKu, Kuurungan untangnga’i la umbarrakanni tu kare’dekan ara’Ku lako tau iato mai lan lu padang pangallaran la ussabu’i.

YEHEZKIEL 20:21

Apa iatu mai anakna pabali-bali lako Kaleku, tae naturu’i tu apa Kupondok sia tae’ nakaritutui tu atorangKu, tu napotuo tau, ke naturu’i. Napamatuna tu mintu’ allo katorroangKu, Kuurungan untangnga’i la umbarrakanni tu kare’dekan ara’Ku lako tau iato mai sia umpaupu’ kasengkeangKu tu Kuparampoanni lan lu padang pangallaran.

SURA’ KATOMINAAN 18:5

Manassa la mikaritutui tu aluk Kupondok sia mintu’ atorangKu; minda-minda umpogau’i la napotuo: Akumo tu PUANG.

MATIUS 19:17

Nakuami Yesu lako: Ma’apari na iara tu kameloan mupekutanan lako Kaleku? Misa’ri Ia tu melo. Apa iake la moraiko tama katuoan, turu’i tu Sukaran alukNa Puang Matua.

MARKUS 12:34

Iatonna tiroi Yesu kumua kinaa mebali, Nakuami lako: Tae’mo mimambela dio mai ParentaNa Puang Matua. Tae’ bangmi tau misa’ duka barani mekutana pole’lako.

LUKAS 7:43

Nakuami Simon mebali: Kusanga, ia siamo tu budanna indanna. Nakuami Yesu lako: Tonganna tu passangammi.

ROMA 10:4

Belanna iatu Kristus Iamo napatu Sukaran aluk, mendadi kamaloloanna mintu’ to ma’patongan.

ROMA 3:19

Apa taissan kumua samami dipokada lan Sukaran aluk, iamoto tu dipokadan to mengkanorong lako Sukaran aluk, dikua anna titutu’ nasang pudukna sia mintu’ issinna lino sipatu Napakannai ukungan Puang Matua.

ROMA 7:10

apa aku te matena’; na iatu atoran mebaa lako katuoan, payanan umpalulakona’ kamatean.

GALATIA 3:12

Apa iatu tuntunan Sukaran aluk tangia lu dio mai kapatonganan, sangadinna minda-minda umpogau’i la napotuo.

PA’TOLE 6:24

Iatu PUANG umpasanki’ la ungkaritutui mintu’ te aluk dipondok sia la ungkataku’i tu PUANG, Kapenombanta, kumua anta tontong malaga’-laga’, sia anNa karimmanniki’, susitu a’ganta allo iate.