LUKAS 10:15 - Sura' Madatu

¹⁵ Na iatu iko, e Kapernaum, ikomoraka la dipekalangka’i sae langngan langi’? La sarokko-rokkonako ria sae tama naraka.

LUKAS 10:15 ပူးပေါင်းရင်းမြစ်များ

KADADIAN 11:4

Sia nakuapa: Maikomi anta bangun misa’ tondok sia misa’ menara tu la sumpu langan langi’ tu lolokna; susimoto la tanii unggaraganni tanda kalelean tu kaleta, da anta sisarak-sarak lan te lino.

YESAYA 5:14

Iamoto anna la tibangnga sia la menganga tang sirua-rua tu lino to mate, anna tileak tama tu mintu’ kamala’biranna tau iato mai sola to kambanna sia kamaruasanna sia paningoanna.

YEREMIA 51:53

Moronganna nala sumpu langngan langi’ tu Babel sia moi anna palayuk lamba’i tu tambakukunna, la narampoi duka pa’kasanggang dio mai Kaleku, kadanNa PUANG.

YEHEZKIEL 26:20

attu iato la Kupopengkalaoko sola tau iato mai, tu mengkalao rokko panglamunan umpengkara’pai nene’ to dolona; la Kupatorroko diong lino to mate diong to’ batu manisak dolo-dolona, sola tu to mengkalaomo rokko panglamunan, dikua damo ammu dipa’tondokki len, sia damo ammu malimbangun sule lan lino to tuo.

YEHEZKIEL 31:18

Umbannara tu kayu Eden mupadan diona kamala’biran sia kataromposan? La dipembuangangko rokko lino to mate sola kayu lan Eden, sia la tibambangko sola to tang disunna’i sia sola to dipatei pa’dang. Susimoto tu apa la urrampoi Firaun sola mintu’ tau kambanna, kadanNa Puangta PUANG.

YEHEZKIEL 32:18

E ma’rupa tau, toloranni misa’ bating tu to budanna Mesir; la mupopengkalao tu tau iato mai – iko sola mintu’ pia baine dio lu bangsa tarompo’ – rokko lino to mate, iamotu lako to mangka mengkalao rokko panglamunan.

YEHEZKIEL 32:20

Tau iato mai tibambang dio lu to nakande pa’dang. Disorongammo pa’dang: riu’i male tu Mesir sola mintu’ to budanna!

YEHEZKIEL 32:27

Iatu to tibambang dio lu to tang disunna’i, tae’ namatindo sisola to lalong, tu mengkalao rokko lino to mate situang pa’bunona, sia napadiong tau to’ ulunna tu pa’dangna sia iatu kakadakeanna diong sola bukunna. Tonganna iatu katirambanan diona to lalong iato lan lu lino to tuo.

OBAJA 1:4

Moi unggaragaiko serangmu pada langka’ serangna langkan maega, ondongpi napetangngai mintu’ bintoen, inde dukato dio mai la Kunii untua’ko, kadanNa PUANG.

MATIUS 10:28

Da mikataku’i tu to umpatei batang kaleta, apa tang nakulle umpatei deatanta; apa iatu sipatunna tongan la mikataku’, Iari tu kuasanna ussanggangi nala batang kaleta nala deatanta, lan naraka.

MATIUS 11:23

Na iko, e Kapernaum! Ikomoraka la dipekalangka’i sae langngan langi’? La sarokko-rokkonako ria sae tama lino to mate, belanna iakenna lan Sodom nanii mangka dadi tu tanda mangnga dadi lan lili’mu, inang la tontong ia sae lako te attu iate.

MATIUS 4:13

Natampemi tu tondok Nazaret anna lu tama Kapernaum natorro dio, dio to’ randan tasik, nalili’na padangna Zebulon sola Naftali,

LUKAS 13:28

Indemoto la minii tumangi’ sia sisange’ isimmi, ke mitiromi tu Abraham na Ishak na Yakub sia mintu’ nabi lan ParentaNa Puang Matua, apa dipembuangangkomi kamu lako salian.

LUKAS 16:23

Mate dukami tu to sugi’, nadipeliang. Iatonna lanmo naraka, maparri’mi nasa’ding, umbangunammi matanna, natiro mambelai tu Abraham sola Lazarus diong rianna.

PA’TOLE 1:28

Umbara la takua kendek langngan? Napabonnongmo siulu’ta tu penaanta nakua: Iatu tau dio mandu kapua sia malangka’ na kita, iatu mai kota kapua sia ditambakuku malangka’ langngan langi’, sia tatiro duka dio tu to Enak.

2 PETRUS 2:4

Belanna iake tae’i anNa dampangi Puang Matua tu malaeka’ tonna pogau’ kasalan, sangadinna Napembuangan tama naraka sia Napatama lo’ko’ kamalillinan sia Napattang sae lako diukungna,