LUKAS 1:79 - Sura' Madatu

⁷⁹ anna kaanan lako to lan kamalillinan sia naonganni bayo-bayo kamatean, sia la umpate’teki’ mata kalambanan lako lalan kasalamaran.

LUKAS 1:79 ပူးပေါင်းရင်းမြစ်များ

AYUB 10:22

lako tondok lillinan parrak, tu nanii, kapittukan sia nanii atoran tang ma’rundunan, sia nanii arrang susito kamalillinan.

AYUB 3:5

Kenna poapa ori kamalillinan sia kapittukan tu allo iato, kenna situtu’iori salebu’ makamban, anna patirambanni bosinna allo.

PA’PUDIAN 107:10

Iatu mintu’ to torro lan kamalillinan sia kapi’tukan, manda’ napori kamandasan sia rante bassi.

PA’PUDIAN 107:14

Iamo ussolanni sun lan mai kamalillinan tu tau iato mai sia kapi’tukan, sia urra’ta’i tu mai pungona.

PA’PUDIAN 23:4

Moi angku olai lombok malillin parrak, tae’ duka kukataku’ kasanggangan, belanna Mirondongna’, tarasulu’Mi sia ta’baMi umpakananna’ penaangku.

PA’PUDIAN 25:12

Mindara tu to ungkasiri’ PUANG? iamotu to la Napatudu lako lalan umbanna tu sipatu natonno’.

PA’PUDIAN 44:19

Tae’ natibalik tu penaangki, sia iatu tengkaki tae’ nasepang dio mai lalanMi.

SARAMBU PEADA’ 3:17

Iatu batattana iamo batatta manaman, na iatu mintu’ lalanna iamo lalan marampa’.

SARAMBU PEADA’ 8:20

Umpolalanna’ lalan malolo, dio tangnga batatta kamalamburan,

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YESAYA 42:7

la umpamillik mata to buta, la untassu’i to ditarungku lan mai pa’tarungkuan sia la urrampananni lan mai pa’pattangan tu to unno’ko’ lan kamalillinan.

YESAYA 48:17

Nakua kadanNa PUANG, Pela’bakmu, To maserona to Israel, nakua: Akumote tu PUANG, Kapenombammu, tu nenne’ umpatuduko, kumua ammu maupa’, sia Aku duka urrendenko lako lalan sipatu muolai.

YESAYA 48:22

Iatu to tang mekaaluk, tae’ kamarampasanna, kadanNa PUANG.

YESAYA 49:6

Nakua: Maringanpako dadi taungKu la umpabendanni sule tu mintu’ sukunna Yakub sia umbaai sule tu dikarimmanninnapa dio mai to Israel; Kupatulangdanko naposulo mintu’ bangsa, kumua anna iatu kasalamaran dio mai Kaleku landa’ lako mintu’ randan langi’.

YESAYA 49:9

sia la umpokadanni to dipattang kumua: Tassu’komi sia lako to lan mapi’tukna kumua: Sunkomi lako masiangna! Iatu tau iato mai la dikambi’ dio lu lalan sia mintu’ tanete nanii undaka’ kande.

YESAYA 59:8

Iatu lalan kamarampasan tae’ natandai, sia tae’ katonganan dio lu lalanna; lalan kelok bang naolai; tae’i misa’ tu to unnolai, untandai kamarampasan.

YESAYA 9:2

Mipopemba’ka’mo te bangsa, amMi pekapuai tu kaparannuanna; la parannu paiman tu tau iato mai dio oloMi susi to kaparannuanna tau, ke pepareanni, sia sangtinti to sila’tekan, ke untaa-taai pangrampa.

YEREMIA 2:6

Sia tae’ nama’kada tu tau iato mai kumua: Umbara Nanii tu PUANG, tu mangka ussolangkanni tassu’ lan mai tondok Mesir sia unnanta’kan unnolai padang aak sia kalo’tokan, misa’ padang rangke sia nabayo-bayoi kamatean, misa’ padang tu tae’ lenpa nalendu’i sia natorroi tau?

YEREMIA 6:16

Iamote tu kadanNa PUANG: Bendankomi dio lu to’ batatta; tiro meloi sia pekutananni tu lalan dolo, umbanna tu lalan tongan, anna ia mipolalan, anna rapa’ penaammi; apa nakua tu tau iato mai: Manokakan umpolalanni.

MATIUS 4:16

iatu to torro lan malillinna ungkitamo arrang ma’lana-lana, sia bu’tumo maserona umpanta’i tu mintu’ to torro lan padang naluang kamatean.

LUKAS 2:32

Iamotu parrang unnarrang to kalillinan sia misa’ kamala’biran lako taumMi to Israel.

YOHANES 1:9

Iatu manassana arrang tu unnarrang mintu’ tau, mane sae tama lino.

YOHANES 12:46

Aku te saeNa’ tama lino butung misa’ arrang, kumua anna minda-minda umpatonganNa’ tae’ natorro lan malillinna.

YOHANES 8:12

Ma’kada pole’omi Yesu lako tinde tau nakua: Akumote tu arrangna lino. Minda-minda unturu’Na’, tae’ nala lumingka lu lako lu dio mai lan malillinna, sangadinna la den arrang katuoan dio.

YOHANES 9:5

Iake lanPa’ te lino, Akumo tu arrangna lino.

PENGGAURANNA RASULU’ 10:36

Iamoto tu kada Naparampo lako to Israel tonna umpa’peissanan Kareba-kaparannuan, kumua den kasikaeloan tete dio Yesu Kristus; Iamo Puangna angge maritik.

PENGGAURANNA RASULU’ 26:18

ammu pamillikki tu matanna, anna memboko’ dio mai malillinna lako maserona, sia dio mai parentana deata bulituk lako Puang Matua, anna kabu’tui kadipa’deian kasalan sia mana’ sisola tu mintu’ to dipamaindan tete dio kapatonganan lako Kaleku.

ROMA 3:17

sia iatu lalan kamarampasan tae’ natandai;

EFESUS 5:8

Belanna dolona kalillinangkomi, apa totemo masiangmokomi lan kasiturusanNa Puang. Lolang susikomi to mangkamo dipemasiangi,