LUKAS 1:78 - Sura' Madatu

⁷⁸ belanna penaa mamaseNa Puang Matua, iamotu Parrang bu’tu dao madona saemo la umpellambi’iki’,

LUKAS 1:78 ပူးပေါင်းရင်းမြစ်များ

PA’PUDIAN 25:6

O PUANG, kilalai tu mintu’ mamaseMi sia mintu’ kamasokanamMi, belanna mintu’nato matontongan tempon dio mai.

YESAYA 11:1

La mentaruk tu garempongna Isai sia mellolo namembua tu taruk uaka’na.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YESAYA 63:15

Pata’paKomi matamMi dao mai suruga sia tiroi lan mai inan maindan mala’bi’Mi. Umbamira tu kamakaritutuamMi sia penggauran matoto’Mi? Tang lattu’ lako kaleku tu karantangan buaMi sia kamamaseamMi?

YESAYA 63:7

La ussa’bu’na pa’kamaseanNa PUANG sia penggauran kapudianNa PUANG sitinaya tu mintu’ Napogaurangki’ PUANG sia kamasokanan kapuaNa lako bati’na Israel, tu Napakitan tau iato mai sitinaya kamamaseanNa sia kabudanna pa’kaboro’Na.

ZAKHARIA 3:8

Ma’perangiko, Yosua, tominaa kapua, la iko la mintu’ solamu tu unno’ko dio tingayomu – belanna iatu tau iato mai iamo muane dipotanda kalle-kallean – tonganna la Kupasae tu taungKu, iamo tu Taruk.

ZAKHARIA 6:12

sia ma’kadako lako, mukua: Inde sia tu kadanNa PUANGna mintu’ ma’dandan maritik, Nakua: Manassa la den misa’ muane diganti Taruk. Iamo la tuo diong mai inanna sia iamo la umbangunni tu Banua kabusunganNa PUANG.

MALEAKHI 4:2

Apa lako kamu tu ungkataku’ sangangKu la berre’ tu mata allo kamaloloan nadiongna lu pani’na la den kamalekean; la tassu’komi sia mekkondong-kondong susi anak sapi sun lan mai lantangna.

KADIBILANGAN 24:17

Kutiro tu tau iato, apa tae’ natotemo, kupenunu tu tau iato, apa tae’ namandappi’; misa’ bintoen bu’tu lan mai Yakub, misa’ tekken kapayungan lan mai Israel, sia untesse pili’na Moab, sia umpipping mintu’ bati’na Set.

YOHANES 3:16

Belanna tenmoto tu Puang Matua ungkamasei tu issinna te lino, naurunganni umpa’kamaseanni tu Anak tungga’Na, kumua anna minda-minda umpatonganNi tae’ nala sanggang, sangadinna ungkabu’tui katuoan sae lakona.

EFESUS 5:14

Iamoto anna den tu kada nakua: Millikko, e iko tu mamma’na, sia malimbangunko dio mai to’ to mate, anna Kristus unnarrangko.

FILIPI 1:8

Belanna Puang Matua ussa’biina’ kumua tumba mamali’na penaangku lako kamu sola nasang diona kamamaseanNa Kristus Yesu.

FILIPI 2:1

Iamoto, iake denni pa’pakilala tete dio Kristus, iake denni pa’pakatana pa’kaboro’, iake denni kasiturusan Penaa, iake denni kamamasean sia kamaturu-turuan,

KOLOSE 3:12

Iamoto, susitu to Natonno’ Puang Matua, tu masallo’ sia dipakaboro’, ten dukamoto tu kamu la unnangkaran: kamamasean, kamasokanan, kaumpamadiongan penaa, sorong inaa, pesuka’ kalando,

2 PETRUS 1:19

Mandu polepa matoto’ tu kada nubua’ dio kaleta; ke mipemaranga susii palita parrang lan inan malillin, naurunganni tibangka’ masiang, sia bu’tu lan penaammi tu bintoen sulo bai.

1 YOHANES 3:17

Apa minda-minda unnampui ianan lino, anna tiroi tu siulu’na kapu’duran, naka’pananni ma’mata to buta tu siulu’ iato, maka umbamo la nakua tu pa’kaboro’Na Puang Matua torro lan kalena?

KADA OMBO’ LAKO RASULU’ YOHANES 22:16

Akumote tu Yesu mangka ussua malaeka’Ku la ungkatottongi lako kalemi tu mintu’ apa iate lan mintu’ kombongan. Akumo tu una’na sia tarukna Daud, sia bintoen sulo melambi’ pandala-dala.