LUKAS 1:75 - Sura' Madatu

⁷⁵ sikambi’miki’ kamaseroan sia kamaloloan, dio oloNa lan mintu’ allo katuoanta!

LUKAS 1:75 ပူးပေါင်းရင်းမြစ်များ

YESAYA 43:21

Iatu bangsa mangka Kukombong la umpakala’bi’Na, la umpatale’ kadipudiangKu.

ZAKHARIA 8:19

Inde sia tu kadanNa PUANGna mintu’ ma’dandan maritik, Nakua: Iatu pa’puasa lan bulan ma’penna’pa’na, ma’pellimanna, ma’pempitunna sia ma’pessangpulona la membali kasendean sia kaparannuan, ondongpi pa’maruasan ponno kapaimanan lako to Yehuda; iamoto sipatu la mikamali’ tu tonganna sia karapasan.

MATIUS 1:21

La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

LUKAS 1:74

iake lessu’miki’ dio mai mintu’ ualinta, tae’mo tala mataku’ mengkaorong lako alukNa;

EFESUS 1:4

Susitu kaNatonnoranta diona Kristus, tonna tang dikombongpa tu lino, kumua anta masallo’ sia tang sayuan dio oloNa Puang.

EFESUS 2:10

Belanna kita te panampaNaki’, Napadadiki’ lan Kristus Yesu la umpogau’ kameloan, tu Naparandan dolomo Puang Matua, kumua anta karitutui tu mintu’nato.

EFESUS 4:24

ammi angkaran kedo ba’ru, tu dipadadi situru’ pa’poraianNa Puang Matua lan kamaloloan sia kamaseroan tongan.

PA’TOLE 6:2

kumua ammu kataku’i tu PUANG, Kapenombammu, ke mukaritutui tu mintu’ aluk Napondok sia pepasan, tu kupapassanangko, la iko la anakmu sia ampomu lan mintu’ allo katuoammu sia anna malambe’ tu sunga’mu.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.

1 TESALONIKA 4:7

Belanna ia sia Natambaimiki’ Puang Matua tae’ kumua anta pogau’ maruttakna sangadinna diona kadipamaseroan.

2 TESALONIKA 2:13

Apa iate kami te sipatukanni tontong ma’kurre sumanga’ langngan Puang Matua diona kamu, e sangsiulurangku to Napakaboro’ Puang, tu belanna tempon diopa mai mulanna Natonno’komi Puang Matua la ungkabu’tui kamakarimmanan diona kaNapamasallorammi Penaa sia kaumpatonganammi kamanapparan.

2 TIMOTIUS 1:9

Tu mangka ungkarimmanniki’ sia mangka untambaiki’ petamba masero, tangia sitinaya penggauranta, sangadinna situru’ tanan penaanNa Kalena sia pa’kamasean, inang dolo dikamaseangki’ tete dio Kristus Yesu na iatu tipamulanna attu,