LUKAS 1:66 - Sura' Madatu

⁶⁶ Iatu mintu’nato urrangii tu iannato napalan penaanna, nakua: Ba’tu apa la dadi dio undinna te pia iate? Apa Narande pala’ tongan Puang!

LUKAS 1:66 ပူးပေါင်းရင်းမြစ်များ

KADADIAN 37:11

Nakemburumi siulu’na, apa iatu ambe’na napalan penaa bang tu iannato.

KADADIAN 39:2

Iatu Yusuf Narondong PUANG naurunganni maupa’ lan mintu’na sia torro mengkarang lah banuanna puangna, iamotu to Mesir.

1 DATU 18:46

Apa narondong limanNa PUANG tu Elia, anna beke’i tu aakna, nadolo dio olona Ahab sae lako lalan lu lako Yizreel.

PA’PUDIAN 119:11

Iatu kadamMi kuanna rara’ lan batu ba’tengku, dikua da angku kasalan mati’ Kalemi.

PA’PUDIAN 80:17

Iatu kayu iato diballa butung rompon; sia mintu’ tau iato sabu’mo diona kaumpalessekamMi matamMi.

PA’PUDIAN 89:21

Kuappa’mo tu Daud, taungKu, sia Kutokko minna’ maseroKu.

LUKAS 1:80

Sakapua-puanami tinde pia, saponno-ponnona Penaa Masallo’ lan ba’tengna; dio bangmi lu padang pangallaran sae lako umpa’pekitananna kalena lako to Israel.

LUKAS 2:19

Apa iatu Maria nananna inaa nasang bang tu kada iato, natangnga’- tangnga’i.

LUKAS 2:40

Sakapua-puanami tinde Pia samatoto’-toto’Na sia Naponnoi kakinaan sia tae’ natore pa’kamaseanNa Puang Matua lako.

LUKAS 2:51

Malemi sule sola, Nasae lako Nazaret, mengkaola bang lako indo’Na sia ambe’Na. Apa iatu indo’Na napalan bang penaanna tu mintu’na kada iato.

LUKAS 9:44

Patananni talingammi te kada iate: Belanna iatu Anak rampan dilino la disorong lako tau.

PENGGAURANNA RASULU’ 11:21

Narondongmi Puang tu tau iato, anna buda bilanganna tu to ma’patongan, mengkatoba’ lako Puang,

KOLOSE 1:5

sia diona apa dirannuan, tu diparandanangkomi dao suruga, tu mangkamo mirangi dolona lan kada kamanapparan, iamotu Kareba-kaparannuan,

1 SAMUEL 16:18

Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.

1 SAMUEL 2:18

Apa iatu Samuel tontong umpogau’ toena dio oloNa PUANG; mangurapa ia sia ma’sambu’ lenang.