LUKAS 1:58 - Sura' Madatu

⁵⁸ Mintu’na to sikandappi’na tiku lao sia mintu’na sangdadianna urrangii, kumua Napakapuamo Puang Matua tu kamamaseanNa lako, dadi menturu’ duka tu tau parannu penaanna.

LUKAS 1:58 ပူးပေါင်းရင်းမြစ်များ

KADADIAN 19:19

Iake mikaturu-turuimo’, la mipakapua pissan tu kamamaseammi, tu mipa’pekitanammo lako kaleku, la ungkatirinnai sunga’ku, belanna tang kubela la mallai langngan buntu, nalambiranna’ manii kasanggangan iato, angku matemo.

KADADIAN 21:6

Nakuami Sara: Napopetaana’ Puang Matua, naurunganni mintu’ tu to urrangii la kusolan metaa.

PA’PUDIAN 113:9

Iatu to tamanang lan tananan dapo’na Napatulangdan Napoindo’ ba’tu pira-pira pia anna parannu paiman. Haleluya!

SARAMBU PEADA’ 23:25

Iamoto anna parannu penaanna tu ambe’mu sia indo’mu, sia anna sende tu to undadiangko.

LUKAS 1:14

Dadi la mulambi’ tonganmo tu kaparannuan sia kasende-sendean sia buda tau la umpopaimanni tu kadadianna.

LUKAS 1:25

Susimo Nagauranna’ Puang to, tonna tontongina’ Nasamboanna’ tu siri’ku lako mintu’tau.

LUKAS 1:57

Iatu Elisabet nalambi’mo bulan kakianakanna, nadadiammi tu misa’ pia’-pia’ muane.

LUKAS 14:12

Sia Nakua Yesu lako tu to untambai: Iake umpogau’komi pa’maruasan ba’tu allona ba’tu bonginna, da mitambai tu mintu’ sangmanemi, ba’tu siulu’mi, ba’tu sangdadiammi, ba’tu sangtondokmi tu sugi’na, kumua natambaiokomi napabala’i lako kalemi.

ROMA 12:15

Pada parannukomi to parannu; sia pada tumangi’komi to tumangi’.

1 KORINTUS 12:26

Iake misa’ lesoan kale mapa’di’, mintu’i ussa’dinganni, sia iake misa’ lesoan kale dipakala’bi’, mintu’i pada-pada parannu.