LUKAS 1:49 - Sura' Madatu

⁴⁹ belanna penggauran kapua Napabu’tumo dio kaleku tu To umpoissan angge maritik. Dadi madatu todamo tu sanganNa,

LUKAS 1:49 ပူးပေါင်းရင်းမြစ်များ

KADADIAN 17:1

Iatonna ganna’mo kasera pulona ngkasera taunna tu Abram, ombo’mi tu PUANG lako kalena, sia ma’kada Nakua: Akumo Kapenomban Umpoissan angge maritik; la lolangko dio oloKu sia la lantuk tu penaammu.

PA’PUDIAN 111:9

Napadenan kadilendokan tu taunNa, sia Naarra’i tu basseNa tontong sae lakona; iatu sanganNa masero sia metakuran.

PA’PUDIAN 24:8

Mindara tu datu kabarre-alloan? Iamo PUANG londongna sia lalong, tu PUANG lalong lan kasirarian!

PA’PUDIAN 99:3

Sipatu mintu’ la umpudi tu kakapuanna sangamMi sia kametakuranna; Masero Ia.

PA’PUDIAN 99:9

Pakala’bi’i tu PUANG, Kapenombanta, sia tukkukomi menomba umpennoloi buntu maindanNa, belanna masero tu PUANG, Kapenombanta.

KATASSURAN 15:11

O, PUANG, iatu mintu’ deata mindara tu la ussitinti-batuangKomi, mindara tu susimMi, dipatarompo’ tete dio kamaindanan, metakuran tete dio penggauran kapudian, tu umpogau’ tanda kalle-kallean.

YESAYA 1:24

Iamoto Nama’kada tu Puang, PUANGna mintu’ ma’dandan maritik, To sumpu kuasanna to Israel Nakua: La umpasauNa’ penaangKu umpapakkanni mintu’ to umbali-baliNa’ sia la Kupabala’i tu mintu’ ualingku.

YESAYA 57:15

Belanna nakua kadanNa To patodoranna sia To sumpu mala’bi’, tu unnisung matontongan sia To masero sanganNa: Moi angKu untongkonni inan matande sia maindan, apa torro dukaNa’ urrondong to rantang buana sia to umpamadiongan penaanna, angKu papayai tu penaanna tu umpamadiongan penaanna sia penaanna to rantang buana.

YESAYA 6:3

Metambami tu misa’ ungkuanni tu misa’ nakua: Maindan, maindan, maindan tongan tu PUANGna mintu’ ma’dandan maritik, iatu mintu’ lino naponnoi kamala’biranNa.

YESAYA 63:1

Mindaraka tu sae dio mai Edom, tu lu dio mai Bozra ma’pakean rarrang, tu ma’pakean ballo, lumingka maamba-amba to lalong sia mawatang? Akumorato, tu umpokada kamaloloan sia matoto’ parampanan.

YEREMIA 10:6

Moi misa’ tau tae’ tu padamMi, o PUANG! PasareonganKomi sia pasareongan tu sangamMi umpapayan kamatotoran.

YEREMIA 20:11

Apa PUANG urrondongna’ susi misa’ pa’barani lalong; iamoto mintu’ to unnula’na’ la tisumbang sia tang pakulle; la kasirisan tongan, belanna tae’ nalalo tu natangnga’na, iamo kaditattan matontongan sia tang dikalupai.

MARKUS 5:13

Naelorammi. Sangsunammi tu mintu’ deata masussuk anna tamai tu bai sangtuntunan, na sipettu’mu’-tu’muran tinde bai sangtuntunan dao mai aya’ mi’lan rokko tasik, agi-agi duangsa’bu, anna mate malammu’ diong tasik.

LUKAS 1:48

belanna Napemarangamo tu kamadionganna taunNa. Anna randuk pole te totemo nasiosso’i tau umpotule’-tuleranni umpokada rongko’na’,

LUKAS 1:50

manassa iatu kamamaseanNa tontong nasiosso’i mintu’nato ungkataku’I.

EFESUS 3:20

Iatu Puang Matua tu kuasa umpogau’i tu mintu’na umpelempanni losong, na iatu tapalakunna ba’tu tasanganna, sitinaya lalan kuasanNa tu mengkarang lan kaleta,

KADA OMBO’ LAKO RASULU’ YOHANES 15:4

Mindara tu tang mataku’, o Puang, sia tang umpakala’bi’ sangamMi? Belanna kamu manna tu maindan, na mintu’ bangsa la mennolo sia umpenombaiKomi, apa payanmo tu mintu’ pangra’ta’ malambu’Mi.

KADA OMBO’ LAKO RASULU’ YOHANES 4:8

Iatu a’pa’ a’gan kepenaa pada kepani’ siannan, natikui mata male salian sia lanna lu; tang tore sola a’pa’i allo bongi ma’kada: Maindan, maindan, maindan Puang Kapenomban, tu Umpoissan angge maritik, tu inang Den tempon dio mai, sia Den sia la saemo.

1 SAMUEL 2:2

Moi misa’ tau tae’ namasero susi PUANG, sia tae’ misa’ tu kapenomban senga’ sangadinna Kamu manna, sia tae’ tu buntu batu susi Kapenombangki.