LUKAS 1:48 - Sura' Madatu

⁴⁸ belanna Napemarangamo tu kamadionganna taunNa. Anna randuk pole te totemo nasiosso’i tau umpotule’-tuleranni umpokada rongko’na’,

LUKAS 1:48 ပူးပေါင်းရင်းမြစ်များ

KADADIAN 30:13

Ma’kadami tu Lea nakua: Maupa’na’, belanna mintu’ baine la ussangana’, rongko’. Nasangaimi Asyer tu pia iato.

2 SAMUEL 7:8

Iamoto la muparampoan taungKu Daud, kumua: Iamote tu kadanNa PUANGna mintu’ ma’dandan maritik: Kupaleleko dio mai to’ riu maluna dio mai to’ domba, la dadi arungna mintu’ taungKu, iamotu to Israel.

PA’PUDIAN 102:17

Belanna Nabangunmo PUANG tu Sion, anna payan tu Puang situang kamala’biranNa.

PA’PUDIAN 136:23

Tu mangka ungkilalaiki’ lan kamase-maseanta, belanna iatu kamasokananNa tang tileluk sae lakona.

PA’PUDIAN 138:6

Tonganna kumua matande liu tu PUANG, anNa tiro lumbang to umpopengkadiongan penaanna, na iatu to matampo mambelapa naissanni.

PA’PUDIAN 72:17

Sangapaoi anna tontong sae lakona tu sanganna, ondongpi, ke den siapi tu allo, la maupa’ tu sanganna. Tete dio kalena anna marudindin tu mintu’ bangsa, sia la nasanga kumua rongko’ ia.

YESAYA 66:2

Mintu’nate apa iate inang panggaraga limangKu, susimoto anna dadi tu mintu’ ma’dandan maritik, kadanNa PUANG; apa iatu tau iato Kutiro lumbang, iamotu to umpamadiongan penaanna sia to bonnong penaanna sia ungkataku’ kadangKu.

MALEAKHI 3:12

Sia mintu’ bangsa la ussa’bu’ pa’pudi-pudian, kumua maupa’komi belanna la dadikomi misa’ padang dikamali’, kadanNa Puangna mintu’ ma’dandan maritik.

LUKAS 1:28

Tonna tamamo tu malaeka’, nakuami lako: Kurre sumanga’mu, e to dikamasei la Narondongmoko Puang Matua.

LUKAS 1:42

Napemandui metamba, nakua: Sundunmo rongko’mu dio mintu’na baine sia sundunmo rongko’na tu pangluang inan taummu.

LUKAS 1:45

Maupa’mo ia tu baine umpatonganni te iannate, belanna iatu dipokadanni lu dio mai Puang Matua, manassa la dipasundun.

LUKAS 1:49

belanna penggauran kapua Napabu’tumo dio kaleku tu To umpoissan angge maritik. Dadi madatu todamo tu sanganNa,

LUKAS 11:27

Marassanmo tu Yesu umpokadai tu mintu’na te, denmi misa’ baine lan mai tu to buda umpemandui metamba, nakua lako: Maupa’mo ia tu inan tau mangka untambukKomi sia iatu susu Misusu.

1 SAMUEL 1:11

Mangallonammi, nakua: O PUANGna mintu’ ma’dandan maritik, iake ma’dinni Mitiroi tu kamaparrisanna taummi sia Mikilalaina’ sia tae’ Mipaboko’i penaa tu taumMi, sangadinna la Mikamaseina’ misa’ pia muane, manassa la kusorong lako PUANG lan mintu’ allo katuoanna sia tae’ nala urrumbui piso peku’ku’ tu ulunna.

1 SAMUEL 2:8

Iatu mai to bongko Naendekan diong mai to’ barra’-barra’, sia iatu mai to mase-mase Naangka’ diong mai to’ pullan, kumua anNa pasangisunganni mintu’ arung, sia Napatongkon dao o’koran mala’bi’. Belanna mintu’ tu parandangan lino PUANG umpoissanni; sia Ia umbangunni dao te lino.