LUKAS 1:36 - Sura' Madatu

³⁶ Ia duka tu Elisabet, sangdadiammu, tonganna matuamo, disanga bangmo la tamanang, apa totemo annanmo bulanna untambuk misa’ pia muane.

LUKAS 1:36 ပူးပေါင်းရင်းမြစ်များ

KADADIAN 11:30

Iatu Sarai tamanang, tae’ anakna.

KADADIAN 16:1

Iatu Sarai, bainena Abram tae’ nama’dadian tau. Denmi misa’ kaunan baine dio mai Mesir nakurinni, disanga Hagar.

KADADIAN 18:11

Iatu Abraham sola Sara matuamo, matessek tonganmo, na iatu Sara radanmo tu kanalambiranna bulanna.

KADADIAN 21:2

Belanna ma’tambukmi tu Sara, anna padadianni misa’ pia muane tu Abraham tonna matuamo, iamoto attu mangka Napamanassa Puang Matua lako kalena.

2 DATU 4:17

Ma’tambukmi tu baine iato anna kianakan misa’ pia muane to attu ia bangsiamoto tonna lendu’mo sangtaun, susitu mangka napokada Elisa lako kalena.

TOMANGADA’ 3:2

Den tu attu kakianakan sia den tu attu kamatean, den tu attu mantanan sia den tu attu manglampi’.

LUKAS 1:35

Mebalimi tu malaeka’ lako nakua: Iamotu Penaa Masallo’ la songlo’ lako kalemu sia kamatotoranNa Puang Patodoranna unnonganniko, iamoto dadi iatu Pia la mudadian la disangai Pia masallo’ sia AnakNa Puang Matua.

LUKAS 1:37

Belanna denraka tang dadi ke Napokadami Puang Matua?

LUKAS 1:5

Iatonna Herodes datu Yudea denmi misa’ tominaa, disanga Zakharia, untamai atoranna allona Abia, na iatu bainena disanga Elisabet, tarukna Harun.

IBRANI 11:11

Bannang dio dukamora kapatonganan anna appa’i Sara tu kamatotoran la ma’tambuk, moi anna lendu’ tonganmo kakianakanna, belanna nakanassai kumua matappa’ tu To-mangkamo unnallu’i.