LUKAS 1:15 - Sura' Madatu

¹⁵ Belanna ia la kapua dio oloNa Puang sia tae’ nala unniru’ uai anggoro’ ba’tu apa palangona ke diiru’i sia iamo la Naponnoi Penaa Masallo’ tempon dio mai natambukna indo’na.

LUKAS 1:15 ပူးပေါင်းရင်းမြစ်များ

KADADIAN 12:2

AngKu popendadiko misa’ bangsa kapua sia angKu parongko’ko angKu pa kaleleanni tu sangammu; la dadiko misa’ karongkosan.

KADADIAN 48:19

Apa noka tu ambe’na sia nakua: Kuissan sia, e anakku, kuissan sia; la mendadi duka ia misa’ bangsa sia la kapua duka, apa ia duka tu adinna la mandu kapua na ia sia iatu bati’na la mendadi misa’ bangsa tepu.

1 OSSORANNA DATU 17:8

Kurondongmoko umba-umba muola sia Kusabu’imo tu mintu’ ualimmu dio tingayomu. Sia la Kupatarompo’ tu sangammu susi sanganna to tarompo’ lan lino.

1 OSSORANNA DATU 29:12

Belanna iatu kasugiran sia iatu kamala’biran bu’tu dio mai Kalemi, sia Kamumo umparentai tu mintu’na sia lan limamMi tu kamatotoran sia kamawatangan, sia Kamuri unnampui kuasa la umpatarompo’ sia umpamatoto’ mintu’ tau.

PA’PUDIAN 22:9

Nasorongmo tu kamaparrisanna lako PUANG! Da’ito na Ia ungkarimmanni. Da’ito na Ia ullendokanni, belanna naala Ia penaanNa!

YEREMIA 1:5

Iatonna tae’pa Kukombongko lan inan tau, inang Kutandaimoko sia iatonna tae’pa mutassu’ lan mai pa’tambukan, Kupamarimbanganmoko sia Kuangka’ko nabinna mintu’ bangsa iato.

YEREMIA 35:6

Apa nakua tu tau iato mai: Tae’ kima’din unniru’ uai anggoro’, belanna pepasanna ambe’ki Yonadab, anakna Rekhab lako kaleki, nakua: Da miiru’ len uai anggoro’ sae lakona, la kamu la anakmi.

SURA’ KATOMINAAN 10:9

Da muiru’ uai anggoro’ ba’tu pangiru’ mepamalango, moi iko moi anakmu, ke tamakomi Tenda Kasitammuan, kumua da ammi mate – iamote tu apa dipondok matontongan la misiosso’i;

ZAKHARIA 9:15

PUANGna mintu’ ma’dandan maritik la urrerungi tu tau iato mai, naurunganni mangampello’, ondongpi nalullu’ tu batu pelobang; la mangiru’ tu tau iato mai, namareko napobua’ uai anggoro’, sia la ponno rara tu tau iato mai susi pindan pa’pi’pikan sia susi tetuk inan pemalaran.

LUKAS 1:14

Dadi la mulambi’ tonganmo tu kaparannuan sia kasende-sendean sia buda tau la umpopaimanni tu kadadianna.

LUKAS 7:28

Kukua lako Kalemi: iatu mintu’na tau dadi dio mai baine tae’ bangpa misa’ duka tu mandu madaoan anna Yohanes Pa’dio’ apa iatu bitti’na lan ParentaNa Puang Matua, iamotu mandu madaoan na ia.

LUKAS 7:33

Belanna sae Yohanes Pa’dio’ natae’ nakande roti sia unniru’ anggoro’ mikuami: Nataba deata bulituk.

YOHANES 5:35

Iatu Yohanes iamo misa’ palita dukku sia parrang; apa kamu te sattu’rokomi la umpasende penaammi lan arrangna.

PENGGAURANNA RASULU’ 2:4

Naponnoimi Penaa Masallo’ tinde tau sola nasangi, anna randuk umpasun ma’rupa-rupa basa, susitu Napatuduanni Penaa Masallo’ lako la napokada.

GALATIA 1:15

Apa iatonna poelo’mi Puang Matua tu umpamarimbangan tempon lanna’ mai pa’tambukanna indo’ku, sia untambaina’ diona pa’kamaseanNa,

EFESUS 5:18

Da mima’pelango anggoro’ tu umpabu’tu tang penggauran, sangadinna la Naponnoikomi Penaa,

YOSUA 3:7

Ma’kadami tu PUANG lako Yosua, Nakua: Allo iate Kuranduk umpatarompo’ko dio pentirona mintu’ to Israel, anna issanni, kumua: Susitu Musa mangka Kurondong, susi dukato Aku la urrondongko.

YOSUA 4:14

Allo iato Napatarompo’mi PUANG tu Yosua dio pentirona mintu’ to Israel, naurunganni mataku’ tu tau iato mai lako kalena susi kamatakuranna lako Musa lan mintu’ allo katuoanna.